«ەكسپو – 2017» حالىقارالىق مامانداندىرىلعان كورمەسىنە دايىندىق جانە ونى وتكىزۋ اياسىندا، شەتەلدىك تۋريستىك كومپانيالاردىڭ وكىلدەرىنە قازاقستان رەسپۋبليكاسىنىڭ تۋريستىك پوتەنتسيالى جانە «استانا ەكسپو – 2017» كورمەسىمەن تانىستىرۋ ماقساتىندا بىرنەشە اقپاراتتىق تۋرلار وتكىزىلەدى.

 وسىعان وراي، كەشە 6 قىركۇيەك كۇنى وڭتۇستىك قازاقستان وبلىسىنا يتاليا، رەسەي جانە ءازىربايجاننىڭ «Alessandro Rosso Group»، «تۋرى ي بيلەتى»، «كاپيتال تۋر»، «راي»، «Millennium Tourism»، «روسس تۋر»، «اس-لاينەر» SUNMAR ي اسس ترەۆەل سەكىلدى 8 تۋريستىك كومپانياسى كەلدى. 

«Ontustik Tourism Center» تۋريستىك اقپاراتتىق ورتالىعى قاتىسۋشىلار ءۇشىن مازمۇندى اقپاراتتىق تۋر باعدارىن دايىندادى، وسىعان سايكەس قوناقتار وڭتۇستىك قازاقستان وبلىسىنىڭ تۋريزمىندەگى بارلىق باعىتتارى بويىنشا الەۋەتىمەن تانىسا الادى. باعدارعا سايكەس، اقپاراتتىق تۋردىڭ قاتىسۋشىلارى ماڭىزدى مادەني – تاريحي ورىندارىن، تاۋ كۋرورتتارى، دەمالىس ورىندارى مەن ەمدەۋ-ساۋىقتىرۋ شيپاجايلارىن كورىپ، قوناق ءۇي جانە مەيرامحانالىق قىزمەت كورسەتۋ دەڭگەيىمەن تانىسادى. 

اقپاراتتىق تۋردىڭ قورىتىندىسى بويىنشا، ءباسپاسوز ءماسليحاتى وتەدى. سونداي-اق، جەرگىلىكتى تۋروپەراتورلارمەن كەزدەسۋ ۇيىمداستىرىلادى. 

اتالعان ءىس – شارانى وتكىزۋ ەكىجاقتى قارىم-قاتىناستاردىڭ جاقسارۋىن جەڭىلدەتەدى جانە «استانا ەكسپو – 2017» كورمەسىندە تۋر پاكەتتەردى ساتۋ ءۇشىن قازاقستاندىق جانە شەتەلدىك تۋريستىك كومپانيالارىنىڭ اراسىنداعى كەلىسىمدەرگە قول قويۋعا ىقپال ەتەدى.

Abai.kz