بۇگىن كونكۋرستىق ىرىكتەۋدىڭ نەگىزىندە وڭتۇستىك قازاقستان وبلىستىق مادەنيەت باسقارماسىنىڭ باسشىسى لاۋازىمىنا احمەتجانوۆ نۇربولات تاعايىندالدى.

احمەتجانوۆ نۇربولات 1963 جىلى تۋىلعان، ءبىلىمى جوعارى، ماماندىعى بويىنشا بىلىكتىلىگى كونتسەرتتىك ورىنداۋشى، وقىتۋشى، زاڭتانۋ باكالاۆرى.

1990-1998 جىلدارى پاۆلودار وبلىستىق فيلارمونياسىندا كونتسەرتمەيستەر، وركەستر ديرەكتورى، وركەستر ءارتيستى، س. تورايعىروۆ اتىنداعى پاۆلودار پەداگوگيكالىق ينستيتۋتىندا پەداگوگيكا جانە مۋزىكالىق-ەستەتيكالىق تاربيە بەرۋ كافەدراسىنىڭ وقىتۋشىسى قىزمەتتەرىن اتقارعان.

مەملەكەتتىك قىزمەتتەگى ءوتىلىن 1998 جىلى پاۆلودار وبلىستىق مادەنيەت باسقارماسى باسشىسىنىڭ ورىنباسارى رەتىندە باستاعان.

2002-2006 جىلدارى قازاقستان رەسپۋبليكاسى مادەنيەت مينيسترلىگىندە حالىق شىعارماشىلىعى جانە ايماقتىق ساياسات باسقارماسىنىڭ باسشىسى، قازاقستان رەسپۋبليكاسى پارلامەنتى ءماجىلىسى اپپاراتى زاڭ ءبولىمىنىڭ باس كونسۋلتانتى لاۋازىمدارىندا قىزمەت اتقارعان.

2006-2014 جىلدارى قازاقستان رەسپۋبليكاسى مادەنيەت جانە اقپارات مينيسترلىگىندە ونەر دەپارتامەنتى ديرەكتورىنىڭ ورىنباسارى، مادەنيەت جانە تىلدەردى دامىتۋ دەپارتامەنتى ديرەكتورىنىڭ ورىنباسارى، شىعىس قازاقستان وبلىستىق مادەنيەت، مۇراعات جانە قۇجاتتامالار باسقارماسىنىڭ باسشىسى لاۋازىمدارىن اتقارعان.

2015 جىلدان باستاپ بۇگىنگى كۇنگە دەيىن قازاقستان رەسپۋبليكاسى پرەمەر-ءمينيسترى ورىنباسارىنىڭ كەڭەسشىسى، قازاقستان رەسپۋبليكاسى مادەنيەت جانە سپورت مينيسترلىگى مادەنيەت جانە ونەر جۇمىستارى جونىندەگى دەپارتامەنتى ديرەكتورىنىڭ ورىنباسارى لاۋازىمدارىندا قىزمەت اتقارعان.

وقو اكىمىنىڭ ءباسپاسوز قىزمەتى