شىمكەنتتە قالاىشىلىك جولداردىڭ ۇزىندىعى 500 شاقىرىمعا ءوستى

تۇرعىن ءۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى سالاسى قالا تۇرعىندارى ءۇشىن ەڭ ماڭىزدى سالانىڭ ءبىرى بولىپ تابىلادى. سوندىقتان دا اتالعان سالاعا جەرگىلىكتى بيلىك اسا ۇلكەن ءمان بەرەتىنى زاڭدى. 
ماسەلەن، قارجىلاندىرۋ باعدارلاماسى بويىنشا تۇرعىن ءۇي، كوممۋنالدى شارۋاشىلىق بولىمىنە بيىل 6,5 ملرد تڭ. جۋىق قارجى ءبولىندى. بۇل دەگەنىمىز بولىنگەن بيۋدجەت كولەمى وتكەن جىلعىمەن سالىستىرعاندا 1,2 ملرد تەڭگەگە وسكەن. ال كولىك ينفراقۇرىلىمىن دامىتۋعا قالا قازىناسى بۇل جىلى 13,3 ملرد. تەڭگەدەن استام قارجى قاراستىرىپ، بىلتىرعىمەن سالىستىرعاندا 6 ملرد. تەڭگەگە ارتىق بولگەن. وسىعان بايلانىستى، شاھاردىڭ اكىمشىلىك ىسكەرلىك ورتالىعىنداعى جولداردىڭ ۇزىندىعى 2331 شاقىرىمنان 2810 شاقىرىمعا ءوستى. 
مۇنان بولەك، 2016 جىلى جەرگىلىكتى بيۋدجەت ەسەبىنەن شاھارداعى 21 كوشە مەن 6 ساياباق جانە 30 شاقتى اللەيا مەن اياقجولدارعا تۇنگى شامدار قويىلىپ، جارىقتاندىرىلعان. جالپى، وسى جۇمىستارعا 30 مىڭعا جۋىق جارىق شىراقتارى ورناتىلعان. ايتا كەتۋ كەرەك، وسى جىلدىڭ قازان ايىنا دەيىن شىمكەنتتەگى 24 كوشە مەن 689 اۋلاسى تولىققاندى جارىقتاندىرىلىپ، 4 كوشەنى قايتا قۇرۋ جۇمىستارى جۇرگىزىلەتىن بولادى. بۇل قاجەتتىلىكتەر ءۇشىن جەرگىلىكتى قازىنادان 455,7 ملن. تەڭگە قارجى بولىنگەن. 
اسىرەسە، شاھارداعى جاياۋ جۇرگىنشىلەر مەن ۆەلوسيپەدشىلەرگە ارنالعان جولداردىڭ قۇرىلىسى قارقىندى تۇردە جۇرگىزىلۋدە. بيىل قالالىق بيۋدجەتتەن كولەمى 40 مىڭ شارشى شاقىرىم بولاتىن اياقجولدار مەن ۆەلوسيپەد جولدارىن سالۋعا 353 ملن. تەڭگە قارجى قارالعان. 
ايتا كەتەرلىگى، قازىرگى تاڭدا قالا اكىمى عابيدوللا ءابدىراحىموۆتىڭ تاپسىرماسىنا سايكەس، كوپ قاباتتى ۇيلەردىڭ اۋلاسىندا قوقىس الاڭدارىن سالىپ، جاڭارتۋ جۇمىستارى جۇرگىزىلۋدە. اۋلالاردى اباتتاندىرۋعا كوڭىل بولىنگەن وسى جىلدىڭ سوڭىنا دەيىن 70-تەن استام اۋلانى رەتكە كەلتىرۋ كوزدەلۋدە. ناتيجەسىندە، جولدار قايتا رەتتەلىپ، اياقجولدار قۇرىلىسى جۇرگىزىلمەك. قورشاۋلار سالىنىپ، دۇڭگىرشەكتەر مەن ويىن الاڭدارى سالىنادى.     بۇل ءۇشىن قالا قازىناسى 1,1 ملرد. تەڭگە قاراستىرىپ وتىر. ايتا كەتۋ كەرەك، بىلتىر بۇل جۇمىستار ءۇشىن قارجى قارالماعان ەدى. ال قالاداعى كوپ قاباتتى ءۇي اۋلالارى سوڭعى رەت 2014 جىلى جوندەۋ كورگەن بولاتىن.

Abai.kz