(كوللاج jasqazaq.kz سايتىنان الىندى)

بۇدان بىلاي ءسالافيزم اعىمىنا قازاقستان اۋماعىندا زاڭ جۇزىندە تىيىم سالىنۋى مۇمكىن. بۇل تۋرالى «الماتى ارناسى» حابارلايدى.

قۇزىرلى ورىنداردىڭ مالىمەتتەرىنە سۇيەسەك، سوڭعى جىلدارى ەلىمىزدە بولعان كەلەڭسىز وقيعالاردىڭ - تەررورلىق اكتىلەردىڭ بارلىعى دەرلىك ءسالافيزم اعىمىمەن بايلانىستى ەكەن.

قازاقستاننىڭ ءدىن ىستەرى كوميتەتىنىڭ مالىمەتىنشە، 15 مىڭنان استام قازاقستاندىق اتالعان اعىمنىڭ جەتەگىندە جۇرگەن كورىنەدى.

ال ەلىمىزدىڭ ەڭ ءىرى مەگاپوليسى سانالاتىن الماتىنىڭ وزىندە 177 ءدىني بىرلەستىك پەن 17 كونفەسسيا تىركەلگەن. سوت شەشىمىمەن  20 ءدىني بىرلەستىككە ۇگىت-ناسيحات جۇرگىزۋگە تىيىم سالىنعان. سەبەبى بۇل بىرلەستىكتەر ەكستريميستىك ۇيىمدار دەپ تانىلعان. قر ۇقق توراعاسىنىڭ ايتۋىنشا، جاقىن ارادا ەلىمىزدەگى ەكستريميزم مەن تەرروريزمگە قارسى كۇرەس كۇشەيتىلمەك.

«قر ءدىن ىستەرى كوميتەتىنىڭ توراعاسى عالىم شويكيننىڭ ەسەبىنشە،  ەلىمىزدەگى ءداستۇرلى ەمەس ءسالافيزم اعىمىنىڭ جەتەگىندە جۇرگەن قازاقستاندىقتاردىڭ رەسمي سانى – 15 مىڭ ەكەن. قازىر ەكستريميز مەن تەرروريزمگە قارسى كۇرەس تۋرالى زاڭعا وزگەرتۋلەر مەن تولىقتىرۋلار ەنگىزىلۋدە. الداعى ۋاقىتتا ەلىمىزدىڭ ازاماتتارىنىڭ قاۋىپسىزدىگىن قورعاۋدىڭ قوسىمشا مەحانيزمدەرى ەنگىزىلەتىن بولادى. وسى كۇندەرى بۇل ماسەلەلەر ءتيىستى ورىنداردا قاراستىرىلۋدا»،-دەيدى قر ءدىن ىستەرى كوميتەتىنىڭ الماتى قالاسى بويىنشا اقپاراتتىق-ساراپتامالىق ءبولىمىنىڭ جەتەكشىسى نۇرمۇحامەد ميمانقوجا.

اتالعان زاڭعا قاتىستى قاتاڭ شارالار قولدانۋ كەرەكتىگىن مەملەكەت باسشىسىنىڭ ءوزى قر پارلامەنتى قوس پالاتاسىنىڭ كەزەكتى سەسسياسىندا ايتقان بولاتىن. ەلباسىنىڭ ۇسىنىسىن ءدىنتانۋشى ماماندار دا قولداپ وتىر.

«مەنىڭ ويىمشا بۇل اعىمعا قر اۋماعىندا تۆيىم سالىنۋى كەرەك. ءسالافيزم اعىمىن ۇستانۋشىلار ەلىمىزدىڭ زاڭدارىن دا،  مەملەكەتتىڭ ساياسي باعدارلامالارىن دا، حالقىمىزدىڭ ءداستۇر-سالتىن دا مويىندامايدى. وزدەرىنىڭ قالاعاندارىن جاساپ جۇرە بەرەدى. ەگەر ءدال قازىر بۇل اعىمعا تىيىم سالىنبايتىن بولسا، ول ەرتەڭ ەلىمىزدىڭ، قوعامىمىزدىڭ دامۋىنا ايتارلىقتاي زيانىن كەلتىرەتىنى انىق»،-دەيدى الماتى قالاسىنداعى قمدب-نىڭ مامانى باۋىرجان ءاليۇلى.

ءدىنتانۋشىلاردىڭ ايتۋىنشا، 2010 جىلدان بەرگى ەلىمىزدە بولعان بارلىق تەرروريستىك اكتىلەردىڭ ارتىندا ءدال سوى ءسالافيزم اعىمىنىڭ وكىلدەرى تۇر. تاعى دا ءبىر سويقان ورىن الماي تۇرعاندا، ناقتى شارالار قولدانۋىمىز كەرەك.

ايتا كەتەيىك،  وزبەكستان مەن تاجىكستاندا اتالعان اعىمعا زاڭ شەڭبەرىندە تىيىم سالىنعان.

نۇرزات توعجان

Abai.kz