«قازاقستاننىڭ ۇزدىك تاۋارى-2016» كورمە بايقاۋىندا جاڭالىقتار كوپ بولدى. 

وساكاروۆ اۋدانىنان كەلگەن «ەۆرازيا ينۆەست Ltd» كومپانياسى قۇرعاق بيە ءسۇتىن ءوندىرۋدى ىسكە قوسقان ەلىمىزدەگى بىردەن ءبىر كاسىپورىن. كورمەدە ازىرگە تەك شەت ەلدەرگە جەتكىزىلەتىن ونىمدەر كورسەتىلدى، سەبەبى ىشكى نارىق تابيعي قىمىزبەن قامتاماسىز ەتىلگەن. كومپانيا «ۇزدىك ازىق-تۇلىك تاۋارى» اتالىمىندا ەكىنشى دارەجەلى ديپلوم الدى.  

ۇلىتاۋ اۋدانى كورمەگە «باس كون» كومپانياسىن قوسىپتى – ولار تالقان مەن قازاقتىڭ ۇلتتىق دەسەرتى – جەنت دايىندايدى. ونىمدەر ازىرشە جەزقازعان ءوڭىرىنىڭ تۇرعىندارىنا عانا تانىمال، بىراق كاسىپورىن باسشىسى شاياحمەت ۇمبەتوۆ جۋىق ارادا بۇكىل وبلىستى ءدامدى تاعامدارمەن قامتاماسىز ەتۋگە نيەتتى. «تالقان – ەرەكشە ءونىم، تويىمدى ءارى پايدالى. ول كوشپەلىلەردىڭ ماڭىزدى تاعامدارىنىڭ ءبىرى بولعان: ءونىم تەز تويعىزادى جانە جولاۋشىعا ۇزاق جولدا ءال-قۋات بەرەدى. بۇل قانت ديابەتىمەن، باۋىر اۋرۋلارىمەن، اللەرگيامەن اۋىراتىندار ءۇشىن تاپتىرماس تاعام. سونداي-اق، تالقاندى ارىقتاۋ باعدارمالارىنا قوسۋعا بولادى!»، - دەپ، ش.ۇمبەتوۆ ءوز ءونىمىنىڭ قۇپياسىمەن ءبولىستى.  

جاس ديزاينەر ۋليانا كرىلوۆا قۋىرشاق ۇيلەرىن جاسايدى. ونىڭ شىعارماشىلىق شەبەرحاناسى بۇل كورمەگە ءبىرىنشى رەت قاتىسىپ وتىر، سول سەبەپتى بۇل ونىمگە ىقىلاس زور بولدى. ء«بىزدىڭ شەبەرحانامىز ءوز جۇمىسىن بار بولعانى ەكى اي بۇرىن باستادى. ءبىز وندىرىستە قايىڭ شەرەلەرىن قولدانامىز، بۇيىمداردى سۋ قوسىلعان، ۋىتسىز اكريل گيپواللەرگەندى بوياۋلارمەن بويايمىز. قازىردىڭ وزىندە قاجەتتى سايكەستىك سەرتيفيكاتتارىنىڭ بارلىعىن الدىق، ياعني، ءبىزدىڭ ونىمدەرىمىزدىڭ قاۋىپسىزدىگى ماقۇلدانعان. ازىرشە ءبىز ويىنشىقتاردى ينتەرنەت ارقىلى ساتۋدامىز – الەۋمەتتىك جەلىلەردەگى ساۋدا دۇكەندەرگە قاراعاندا جاقسى جۇرەدى. قاجەتتى قۇرال-جابدىقتاردى ساتىپ العاننان كەيىن اسسورتيمەنتتى ۇلعايتۋدى جوسپارلاپ وتىرمىز»، - دەيدى شەبەرحانا جەتەكشىسى.  

بايقاۋدىڭ تاعى ءبىر جاڭا قاتىسۋشىسى – تەمىرتاۋلىق جەكە كاسىپكەر ۆياچەسلاۆ مۋرومتسەۆ اياق كيىم تىگۋمەن اينالىسادى. ءوڭىردىڭ باسقا دا كوپتەگەن جەڭىل ونەركاسىپشىلەرى سياقتى، ۆياچەسلاۆ تا جۇمىستى ونەركاسىپ ورىندارىنىڭ تاپسىرىستارىن ورىنداۋدان باستاعان، سوڭىرا كوپشىلىك نارىعىنا شىقتى. ء«الى كۇنگە دەيىن ءبىز نەگىزىنەن ارناۋلى اياق كيىم تىگەمىز – زاۋىتتا جۇمىس ىستەيتىندەرگە، قۇرىلىسشىلارعا ارنالعان، بي ۇجىمدارىمەن بىرلەسىپ جۇمىس ىستەيمىز، ولارعا كەز كەلگەن ۇلگىدەگى بي اياق كيىمدەرىن دايىندايمىز. ءبىز شوپاندارعا جانە «كوكپار» ۇلتتىق ويىنىنا ارنالعان ەتىكتەر سياقتى باياعىدا ۇمىت بولعان اياق كيىم تۇرلەرىن تىگۋدى جاڭعىرتتىق. بالالارعا ارنالعان ورتوپەديالىق جانە ەرەسەكتەردىڭ كۇندەلىكتى اياق كيىمدەرىن تىگۋگە دە كوپ كوڭىل بولىنەدى»، - دەپ، شەبەر ءوز ونىمدەرىن كورسەتتى.  

ساراندىق «Sunpaper» جشس-ءى تاياۋ ۋاقىتتا قاعازدان جاسالعان گيگيەنالىق ونىمدەردىڭ اتاقتى وندىرۋشىلەرى ءۇشىن لايىقتى باسەكەلەس بولايىن دەپ تۇر. جۇمىس ىستەگەنىنە كوپ ۋاقىت وتە قويماسا دا، كاسىپورىن ءوزىن جاقسى جاعىنان كورسەتىپ ۇلگەردى – ول كوممەرتسيالىق بانكتەر، «قازاقستان تەمىر جولى» ىسپەتتى ءىرى ۇيىمداردىڭ جەتكىزۋشىسى بولىپ تابىلادى. «قازاقستاننىڭ ۇزدىك تاۋارى» بايقاۋىنا ەكىنشى جىل قاتىسىپ وتىرعان كومپانيا ساراپشىلار تاراپىنان مويىندالىپ، «تۇرعىندارعا ارنالعان ۇزدىك تاۋار» اتالىمىندا ەكىنشى دارەجەلى ديپلومعا يە بولدى.  

وسىلايشا، قاراعاندى وبلىسى تۇتىنۋشىلارىنىڭ تاڭداپ الاتىن ونىمدەرىنىڭ قاتارى بارعان سايىن ارتىپ كەلەدى. ەندى وڭىردە ازىق-تۇلىكتىڭ، حالىق تۇتىناتىن تاۋارلاردىڭ بارلىق ءتۇرى دەرلىك بار – كيىمدەر مەن اياق كيىمدەردەن باستاپ ويىنشىق پەن جيھازعا دەيىن; وزدەرىنىڭ اكسەسسۋارلارى: سومكەلەر مەن اشەكەي بۇيىم وندىرۋشىلەرى بار. مىسالى، ەرلى-زايىپتى قايىرجانوۆتار جەرگىلىكتى تاۋارلاردى نازاردان تىس قالدىرمايدى، ولار تەك قاراعاندىلىق ءوندىرىستىڭ ونىمدەرى مەن زاتتارىن ساتىپ الادى. «جالپى، مۇندا تۇرعان ەش قيىندىق جوق. داستارحانىمىزداعىنىڭ ءبارى وزىمىزدىكى، قىستىق جانە جازدىق كيىم، بالالاردىڭ اياق كيىمدەرى – جەرگىلىكتى فابريكالاردا تىگىلگەن، ۆەلوسيپەد تە ءبىزدىڭ وندىرۋشىدەن، جيھاز تۋرالى ايتپاساق تا بولادى. تەك كىلەمدەر عانا شىمكەنتتىكى»، - دەيدى وتاعاسى رۋستام.  

Abai.kz