جۇما, 4 ءساۋىر 2025
جاڭالىقتار 4464 0 پىكىر 2 قىركۇيەك, 2016 ساعات 10:05

كوڭىلدەسكە "تاپسىرىس بەرگەن" بۇرىنعى اكىم تۇرمەگە وتىردى

باتىس قازاقستان وبلىسى تەرەكتى اۋدانىنىڭ بۇرىنعى اكىمى جەڭىس سەرىكقاليەۆ 11 جىلعا تۇرمەگە وتىردى.

ونىڭ بۇرىنعى ەكى قىزمەتكەرى ارمان قوجامۇراتوۆ (تۇرعىن ءۇي جانە كوممۋنالدىق شارۋاشىلىق اۋداندىق ءبولىمىنىڭ بۇرىنعى باسشىسى) پەن بەيىمبەت يسماعامبەتوۆتى (اكىمنىڭ كولىك جۇرگىزۋشىسى) كىسى ءولتىرۋدى ۇيىمداستىرۋ جانە كىسى ومىرىنە قاستاندىق جاساۋ قىلمىستارى بويىنشا سوتتادى. قوجامۇراتوۆ 11 جىلعا تۇرمەگە وتىرسا، يسماعامبەتوۆ 10 جىلعا باس بوستاندىعىنان ايرىلدى.

ايىپتاۋ نۇسقاسى بويىنشا، 38 جاستاعى سەرىكقاليەۆ بيىل اقپاندا ونىڭ كوڭىلدەسى دەلىنەتىن كريستينا سالىمگەرەەۆانى ولتىرۋگە ءبىر ميلليون تەڭگەگە "تاپسىرىس" بەرگەن. سالىمگەرەەۆا شەنەۋنىكتەن ورتاق قىزىنىڭ اكەسى ەكەنىن مويىنداۋدى تالاپ ەتكەن.

ءىس ماتەريالدارى بويىنشا، قوجامۇراتوۆ پەن يسماعامبەتوۆ تاپسىرىستى ورىنداۋعا كىرىسكەن. 23 اقپاندا ولار ايەلدى ۇيىنە كىرە بەرىستە توسقان، يسماعامبەتوۆ سالىمگەرەەۆانى ون شاقتى رەت پىشاقتاعان دەلىنەدى. سالىمگەرەەۆا ءتىرى قالدى، ءسويتىپ پوليتسياعا جۇگىندى.

بۇعان قوسا، سوت ايىپتالۋشىلاردىڭ ارقايسىسىن جابىرلەنۋشىگە مورالدىق شىعىن رەتىندە ءبىر ميلليون تەڭگەدەن تولەۋگە مىندەتتەدى.

اباي-اقپارات

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1283
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3876
46 - ءسوز

بىزگە بەيمالىم باراق حان

جامبىل ارتىقباەۆ 2821