كۋليابتا پرەزيدەنت رەزيدەنتسياسىنىڭ قۇرىلىسى اياقتالىپ قالدى
كۋلياب قالاسىنداعى چوربوگ ەلدى-مەكەنىندە پرەزيدەنت رەزيدەنتسياسىنىڭ قۇرىلىسى اياقتالۋعا جاقىن. 25 گەكتار جەردە ورنالاسقان نىسان قىركۇيەكتىڭ اياعىندا پايدالانۋعا بەرىلەدى.
كۋلياب اكىمىنىڭ ورىنباسارى پۋلود حافيزوۆتىڭ ايتۋىنشا، رەزيدەنتسيا قۇرىلىسى وتكەن جىلى باستالعان. مۇندا 200 ادام جۇمىس ىستەيدى. رەزيدەنت اۋماعىندا باقشا، قوناقتار قابىلدايتىن بولمە بار، قازىر باسسەين سالىنىپ جاتىر. ول قۇرىلىسقا كەتكەن قاراجات كولەمىن اتاعان جوق، بىراق عيماراتتىڭ كۋلياب اكىمشىلىگىنىڭ بيۋدجەتى ەسەبىمەن سالىنىپ جاتقانىن ايتتى.
تاجىكستان پرەزيدەنتى ەمومالي راحمونىڭ بىرنەشە قالادا جانە اۋداندا ساياجايى مەن رەزيدەنتسياسى بار. مۇندا مەملەكەت باسشىسى شەتەلدىك ارىپتەستەرى مەن قوناقتارىن قابىلدايدى. ولاردىڭ ىشىندەگى ەڭ ايگىلىسى - تابيعاتى سۇلۋ شاتقالدا ورنالاسقان "پۋگۋس" رەزيدەنتسياسى. قازىر مۇندا دا قوسىمشا قاباتتىڭ قۇرىلىسى ءجۇرىپ جاتىر.
چوربوگ تۇرعىندارى پرەزيدەنت رەزيدەنتسياسىنىڭ قۇرىلىسى ارقاسىندا جاقىن ايماقتارعا جول توسەلگەنىنە ريزاشىلىق ءبىلدىردى.
200 مىڭ تۇرعىنى بار كۋلياب - تاجىكستاننىڭ ءۇشىنشى ءىرى قالاسى. كۋلياب ەكونوميكاسى، باسقا دا ءىرى قالالارعا قاراعاندا، الدەقايدا ارتتا قالعان.
اباي-اقپارات
