"كۇيەۋىم سەيىتقازى ماتاەۆقا قارجى جىمقىرۋ مەن سالىقتان جالتارۋ بويىنشا جالعان ايىپ تاعىپ وتىرعان تەرگەۋ مەن سوت پروتسەسىنىڭ ۇيىمداستىرىلۋى - كۇيەۋىمدى ولىمگە يتەرمەلەۋ دەگەن ويعا اكەلىپ وتىر", -دەدى بايان راماحانوۆا. ونىڭ ايتۋىنشا، نەگىزسىز ايىپتاۋلار ماتاەۆتىڭ جۇيكەسىن جۇقارتىپ، دەنساۋلىعىنا ۇلكەن سوققى بولىپ ءتيدى.

قازاقستان جۋرناليستەر وداعىنىڭ توراعاسى سەيىتقازى ماتاەۆ بيىل 22 اقپاندا«مەملەكەت قارجىسىن جىمقىرعان» جانە «سالىقتان جالتارعان» دەگەن كۇدىكپەن ۇستالدى، كەيىن ۇيقاماققا اۋىستىرىلدى. ءبىر ايدان سوڭ ونىڭ ۇلى، قازتاگ اقپارات اگەنتتىگى باس ديرەكتورى اسەت ماتاەۆ تا ۇيقاماققا الىندى.

ماتاەۆتاردىڭ ۇستىنەن سوت پروتسەسى استانادا 23 تامىزدا باستالدى. سودان بەرى سەيىتقازى ماتاەۆ ەكى مارتە اۋرۋحاناعا ءتۇسىپ قالدى.

اكەلى-بالالى ماتاەۆتار وزدەرىنە تاعىلعان ايىپتاردى جوققا شىعارىپ، «كەلگەن زيان» تۋرالى ايىپتاۋ تولىققاندى اۋديتورلىق تەكسەرۋ جۇرگىزىلمەستەن تاعىلعانىن ايتادى.

اباي-اقپارات