2016 جىلدىڭ العاشقى جارتىسىندا قازاقستانعا 17 مىڭ 23 ادام كوشىپ كەلدى، ونىڭ 10 مىڭ 620-سى - ەتنيكالىق قازاقتار، - دەپ حابارلادى ازاتتىقتىڭ سايتى ىشكى ىستەر مينيسترلىگىنە سىلتەمە جاساپ. Cوندا وسى جارتى جىلدىقتاعى 7 مىڭعا جۋىق ازاماتتىڭ ۇلتى قانداي؟ جەردى يگەرۋگە كەپ جاتقان قۇدايى كورشىلەرىمىز ەمەس پە؟

بىلتىر 25 مىڭ 197 ادامعا قازاقستاندا تۇراقتى تۇرۋ رۇقساتى بەرىلگەن، ونىڭ 9 مىڭ 951-ءى عانا ورالمان ەكەن. سوندا قالعان 16 مىڭعا جۋىعى قانداي ۇلت وكىلى؟ تاعى دا بەلگىسىز. ونى مينيسترلىك وكىلدەرى تاپتىشتەپ ءتۇسىندىرىپ جاتپاپتى.

ەندى سوڭعى بەس جىلدىقتاعى دەرەكتەرگە كوز جىبەرەيىك. 2010-2015 جىلدار ارالىعىندا 212 مىڭ 600 شەتەلدىككە قازاقستاندا تۇراقتى تۇرۋعا رۇقسات بەرىلگەن، ونىڭ 114 مىڭ 900-ءى - ورالمان. وسى بەس جىلداعى كورسەتكىشكە قاراساڭىز تاعى دا ءجۇز مىڭ ۇلتى بەلگىسىز كوشىپ كەلۋشىلەردىڭ قۇلاعى قالقيادى.

قوش! سوندا جىلىنا ون مىڭعا جۋىق بەلگىسىز ۇلت وكىلدەرىن قابىلداي بەرسەك، بولاشاعىمىز قانداي بولماق؟ ويلاۋدىڭ ءوزى قورقىنىشتى.

ءشارىپحان قايسار

Abai.kz