وڭتۇستىك قازاقستان وبلىسىندا وتكەن «قازاقستاننىڭ ۇزدىك تاۋارى» كورمەسىنە بيىل 135 كاسىپورىن قاتىستى. وندا جەڭىل تاماق ونەركاسىبىنەن باستاپ، ماشينا جاساۋ، قۇرىلىس، فارماتسەۆتيكا، توقىما مەن قولونەر شەبەرلەرىنىڭ تۋىندىلارىنا دەيىن ۇسىنىلدى. ماسەلەن، ەلىمىزگە ايگىلى، الكاگولسىز سۋسىن شىعاراتىن «ۆيزيت»، «بال تەكستيل» جانە «نازار تەكستيل» كىلەم فابريكالارى، «كارلسكرونا» سورعىش شىعاراتىن زاۋىت پەن «ستاندارت تسەمەنت» زاۋىتتارى، «ورداباسى قۇس» كۇركە تاۋىق فابريكاسى، كوستيۋمدەر تىگەتىن «Golden Nomad» كاسىپورنى، جانە ت.ب. ءىرى ءارى تانىمال كاسىپورىندار ءوز تاۋارلارىن ورتاعا سالدى. سونىمەن قاتار، كىشى جانە ورتا بيزنەس وكىلدەرى دە وزدەرىنىڭ تاۋارلارىن حالىققا پاش ەتتى.

وڭتۇستىك وڭىرىندە شىعارىلاتىن تاۋارلاردى حالىققا تانىتۋ، كاسىپكەرلەردى ىنتالاندىرۋ جانە ورتا جانە شاعىن بيزنەستى دامىتۋ ماقساتىندا وتكەن شارانى وقو كاسىپكەرلەر پالاتاسى ۇيىمداستىردى.  

ءىس-شارا بارىسىندا ۇزدىك تاۋار وندىرۋشىلەرى سىنعا ءتۇسىپ، تاۋار تاڭبالارى قولدانىستاعى ەرەكشەلىكتەرىنە قاراي ءۇش نوميناتسيا بويىنشا ىرىكتەلدى. اتاپ ايتقاندا، «حالىق تۇتىناتىن ۇزدىك تاۋارلار» نوميناتسياسى بويىنشا «ازالا تەكستيل» جشس ۇزدىك اتاندى. كومپانيا جىلىنا 2800 توننادان استام يىرىلگەن ءجىپ، 13 ملن. شارشى مەتر ماتا، 2 ملن. توسەك-ورىن تىسى جيىنتىعى مەن 7 ملن. تۇكتى ءونىم شىعارادى. ال، ءىى،ءىىى ورىندى شۇلىق ونىمدەرىن شىعاراتىن «الەم بت» فابريكاسى مەن كىلەم شىعاراتىن  «نازار تەكستيل» كومپانياسى يەلەنسە، «كارلس كرونا» سورعىش شىعاراتىن زاۋىتى «وندىرىستىك باعىتتاعى ۇزدىك تاۋار» نوميناتسياسى بويىنشا ماراپاتتالدى. وسى نوميناتسيا بويىنشا 2-ءشى ورىندى تەرەزە جانە ۆيتراجدارعا ارنالعان پۆح-پروفيلدەر شىعاراتىن «تريۋمف ممس» زاۋىتىنا  بۇيىردى. ال 3-ءشى ورىنعا «باتسۋ ۆودوكانال» كاسىپورنى لايىق دەپ تانىلسا، «ۇزدىك ازىق-تۇلىك تاۋارى» نوميناتسياسى بويىنشا ءبىرىنشى ورىندى ماكارون ونىمدەرىمەن ايگىلى «بارىس-2007» يەمدەنسە، «امانگەلدى»، «لادۋشكي» كونديتەرلىك دۇكەندەر جەلىلەرى ءىى جانە ءىىى ورىنداردى الدى.

جالپى، كونكۋرس بارىسىندا 18 كاسىپورىن «وندىرىستىك ماقساتتاعى تاۋارلار» ۇزدىك اتانۋعا تىرىسسا، 15 كومپانيا «حالىق تۇتىناتىن ۇزدىك تاۋار» ءوندىرۋشى نوميناتسياسى بويىنشا كورمەگە قاتىستى. ال، 20-دان استام قاتىسۋشى «ۇزدىك ازىق-تۇلىك تاۋارى» نوميناتسياسىنىڭ يەگەرى اتانۋعا تىرىسقان.

سونداي-اق، «حالىق تاڭداۋى»، «جىل سەرپىنى»، «جىل برەندى»، «الەۋمەتتىك ماڭىزى بار ستارتاپ» نوميناتسياسى بويىنشا دا ۇزدىكتەر انىقتالدى. بۇل ساتىدا  حيميالىق قوسپاسىز تابيعى ەمدىك شوپتەرمەن جانە سولاردان جاسالعان جاقپالاردى  دايارلايتىن «اسىل ارمان»، «ەۆروكريستالل» شىنى زاۋىتى، جانە حيميالىق تازارتقىش ونىمدەرىمەن تانىلعان «كوركەم دوس»، سونداي-اق، فيتوشايلاردى ازىرلەيتىن «فيتوفارم» كومپانيالارىنىڭ باسشىلارى العىس حاتتارمەن ماراپاتتالدى.

اتالمىش شارانىڭ تاعى ءبىر ەرەكشەلىگى – مۇندا كەلگەن تۇرعىندار وتاندىق ونىمدەرمەن تانىسىپ قانا قويماي، جەڭىلدەتىلگەن باعامەن تاۋارلاردى ساتىپ الۋ مۇمكىندىگى بەرىلدى. كەلۋشىلەرگە لوتورەيا ويىندارى ويناتىلىپ، كەلگەن قوناقتار باعالى سىيلىقتار الدى.

كاسىپكەرلەردىڭ پىكىرىنشە «قازاقستاننىڭ ۇزدىك تاۋارى» جوباسى ساپا مەن جوعارى تالعامنىڭ بەلگىسى بولاتىنىنا سەنىمدى. بۇل جوبا كاسىپكەرلەرگە ءوز ءىسىن ءارى قاراي قارىشتاپ دامىتۋ مەن ينۆەستورلار تارتۋدا زور كومەك بولماق.

اتالعان ءۇش نوميناتسيا بويىنشا ءى ورىندى العان كاسىپورىندار قاراشا ايىندا استانا قالاسىندا وتەتىن «قازاقستاننىڭ ۇزدىك تاۋارى» كونكۋرسىنا قاتىساتىن بولادى.

وقو اكىمىنىڭ ءباسپاسوز قىزمەتى