بۇگىن شىمكەنت قالاسىنداعى داڭق مەموريالىندا وڭتۇستىك قازاقستان وبلىستىق قازاقستان حالقى اسسامبلەياسى  ۇيىمداستىرعان «اق ورامال» اكتسياسى قورىتىندىلاندى.  

ەلباسىنىڭ ۆاشينگتون قالاسىندا وتكەن يادرولىق قاۋىپسىزدىك جونىندەگى ءىV سامميتتە جاريالاعان «الەم. ءححى عاسىر» مانيفەسىن ىلگەرىلەتۋ جانە سەمەي يادرولىق پوليگونىنىڭ جابىلۋىنا 25 جىل تولۋىن اتاپ ءوتۋ ماقساتىندا وتكەن شارادا وبلىس اكىمىنىڭ ورىنباسارى ۇلاسبەك سادىبەكوۆ،  وبلىستىق ارداگەرلەر  كەڭەسىنىڭ توراعاسى جەڭىسبەك ماۋلەنقۇلوۆ، وقو قحا انالار  كەڭەسىنىڭ ءتورايىمى بالحيا كومەكباەۆا، وبلىستىق تاتار-باشقۇرت ەتنومادەني بىرلەستىگىنىڭ ءتورايىمى اسيا مۋحامەدوۆا ءسوز سويلەدى.

اكتسيا بارىسىندا ەلىمىزدەگى بەيبىتشىلىك پەن كەلىسىمنىڭ ءمان-ماڭىزىن كوپشىلىككە جەتكىزۋ ماقساتىندا قازاق داستۇرىمەن ۇيلەستىرىلگەن تەاترلىق كورىنىس كوپشىلىكتىڭ نازارىنا  ۇسىنىلىپ،  اق ورامال تارتقان 150-دەن اسا  انالار شەرۋى داڭق مەموريالىنا كەلىپ، وتتى  قارۋ باسىنا (ۇڭعىسىنا) بەيبىتشىلىك پەن تاتۋلىقتىڭ بەلگىسى  رەتىندە اق ورامال بايلادى.

ءىس-شارا بارىسىندا بەيبىتشىلىك جولىندا  قازا  تاپقان ازاماتتاردى ەسكە الۋ ماقساتىندا داڭق مەموريالىنا گۇل شوقتارى قويىلدى.

اتالمىش اكتسيا ەلىمىزدىڭ بارلىق وڭىرلدەرىندە، وبلىسىمىزدىڭ اۋدان، قالالارىندا  ءبىر مەزەتتە  ۇيىمداستىرىلدى.

 اكتسيانىڭ باستى ماقساتى – قازاقستاندىقتاردى شىعۋ تەگىنە، ولاردىڭ ءدىني، əلەۋمەتتىك، باسقا دا ەرەكشەلىكتەرىنە قاراماستان، بەيبىتشىلىك يدەياسى اياسىنا شوعىرلاندىرۋ بولىپ تابىلادى. 

وتىز كۇنگە  سوزىلعان «اق oرامال» اكتسياسى اياسىندا وبلىستىڭ بارلىق اۋدان، قالالارىندا اق جاۋلىقتى انالاردىڭ پەرزەنتحاناداعى جاس انالارعا، نەكە سارايىندا قالىڭدىقتارعا اق ورامال تاعىپ، اق باتا بەرۋ راسىمدەرى  ۇيىمداستىرىلدى.

اق ورامالدىڭ قازاق تاريحىندا فيلوسوفيالىق ماعىناسى  تەرەڭ. «اق oرامال» اكتسياسىنىڭ نەگىزىنە دانا حالقىمىزدىڭ ەجەلگى ءداستۇرى – تاتۋلاستىرۋ سالتى الىنعان: ايەل-انانىڭ باسىنداعى ورامالىن شەشىپ، جاۋلاسۋشىلاردىڭ ورتاسىنا تاستاۋى ولاردىڭ  جانجالدىتوقتاتۋىنا سەبەپ بولعان.

اباي اقپارات