ناتاليا ۋلاسيك قاراعاندىداعى تەرگەۋ اباقتىسىندا وتىر
جەزقازعان قالاسىندا ۇستالعان ازاماتتىق بەلسەندى ناتاليا ۋلاسيك قازىر قاراعاندىداعى تەرگەۋ اباقتىسىندا وتىر جانە ونىڭ الماتىعا قاشان جونەلتىلەتىندىگى ازىرگە بەلگىسىز، دەپ حابارلادى ازاتتىققا قاراعاندى تەرگەۋ اباقتىسىنداعىلار.
بۇعان دەيىن ونى پسيحياتريالىق ساراپتامادان وتكىزۋ ءۇشىن الماتىعا جىبەرگەلى جاتقانى تۋرالى اقپارات ينتەرنەتتە تاراعان بولاتىن. بۇل تۋرالى ۋلاسيكتىڭ ءوزى جاقتاستارىنا اباقتىدان تەلەفون ارقىلى جەتكىزىپ ۇلگەرگەن.
ادام قۇقىعىن قورعاۋشى ەۆگەني ءجوۆتيستىڭ الەۋمەتتىك جەلىلەردە مالىمدەۋىنشە، "سوۆەت زامانىنداعىداي "جازالاۋشى پسيحياتريا" قايتادان قولدانىلا باستادى دەۋگە تولىق نەگىز بار".
الەۋمەتىك جەلىلەردە بيلىكتى سىنايتىن جازبالارىمەن تانىمال ناتاليا ۋلاسيك 22 تامىزدا قاراعاندى وبلىسىنىڭ جەزقازعان قالالىق سوتىندا تۇتقىنعا الىندى.
اباي-اقپارات
