نازارباەۆ پولشاعا رەسەيمەن بىرلەسىپ كولىك كەلىسىمىنە وتىرۋىن ۇسىندى
قازاقستان پرەزيدەنتى نۇرسۇلتان نازارباەۆ ۆارشاۆادا قازاق-پولياك بيزنەس فورۋمى كەزىندە سويلەگەن سوزىندە، قازاقستان، پولشا جانە رەسەي اراسىندا كەلىسىم جاساۋدى ۇسىندى. كولىك سالاسىنا قاتىستى ءۇش جاقتى كەلىسىم كاۆكاز ترانزيت ءدالىزىن پايدالانۋدى دا قاراستىرادى، دەپ حابارلادى "ينتەرفاكس" جانە تاسس.
"ەكونوميكالىق ارىپتەستىك (پولشا مەن قازاقستان اراسىنداعى) وتە كۇردەلى ءبىر ماسەلە - كولىككە بارىپ تىرەلەدى. قازاقستاننان پولشاعا دەيىن، جانە ودان كەرى قالاي قايتۋعا بولادى", - دەدى نۇرسۇلتان نازارباەۆ. ول پولشا پرەزيدەنتى اندجەي دۋداعا "تىم بولماعاندا كولىك جونىندە ءۇش جاقتى كەلەسىم جاساۋ" ءۇشىن بىرلەسىپ رەسەيگە شىعۋدى ۇسىندى.
قازاقستان پرەزيدەنتى نۇرسۇلتان نازارباەۆ پولشاعا ەكى كۇندىك ساپارمەن باردى. قازاقستان مەن پولشانىڭ 400-دەن استام وكىلىن جيناعان بيزنەس فورۋمنان سوڭ، ول ۆارشادادان شىعىپ بەلگرادقا بارادى.
اباي-اقپارات
