رەسەي-ارمەنيا گاز قۇبىرىنا جارۋعا تالپىنعاندار ۇستالدى
گرۋزيا ءىىم بارلاۋ دەپارتامەنتىنىڭ حابارلاۋىنشا، 20 تامىزدا اۋقىمدى تەررورلىق اكت جاساۋعا تالپىنعان جەتى گرۋزين ازاماتى قولعا ءتۇستى. بۇل تۋرالى ازاتتىق راديوسىنىڭ تبيليسيدەگى ءتىلشىسى گەورگي كوبالادزە حابارلادى.
ءىىم مالىمەتى بويىنشا، ۇستالعانداردىڭ بەسەۋى قۇپيا قويمادان جارىلعىش زاتتار شىعارۋ كەزىندە قولعان تۇسكەن، ولار سول زاتتاردىڭ كومەگىمەن رەسەيدەن ارمەنياعا تارتىلعان ستراتەگيالىق گاز قۇبىرىن جارماق بولعان.
تاعى ءبىر ادام قىلمىستى حابارلاماعانى ءۇشىن ۇستالدى. جەتىنشى كۇدىكتى - پوليتسيا قىزمەتكەرى. وعان تەراكت جاساۋعا كومەكتەسكەن دەگەن كۇدىك كەلتىرىلدى.
دەپارتامەنت وكىلىنىڭ مالىمدەۋىنشە، ۇستالعانداردىڭ ءبىرى ۇنەمى ۋكرايناعا بارىپ جۇرگەن، ونىڭ ناقتى كىمنىڭ تاپسىرماسىن ورىنداعانى ازىرگە بەلگىسىز.
اباي-اقپارات
