بۇل تۋرالى وقو ايماقتىق كوممۋنيكاتسيالار قىزمەتىندە «تاۋەلسىزدىك جەتىستىكتەرى» تۋرالى بريفينگ بەرگەن وبلىستىق جۇمىسپەن قامتۋدى ۇيلەستىرۋ جانە الەۋمەتتىك  باعدارلامالار باسقارماسىنىڭ باسشىسى ءا. تەمىرباەۆا مالىمدەدى. 

ونىڭ ايتۋىنشا، تاۋەلسىزدىك العاننان كەيىن وبلىس حالقىنىڭ سانى ارتىپ، الەۋمەتتىك جاعدايى جىل سايىن جاقسارىپ كەلگەن. سونىمەن قاتار، وسى ۋاقىت ارالىعىندا وبلىستا 402 مىڭ جاڭا جۇمىس ورىندارى قۇرىلعان. ناتيجەسىندە، جۇمىسپەن قامتىلعان حالىقتىڭ سانى 60%-عا ءوسىپ، جۇمىسسىزدىق دەڭگەيى 14,3 پايىزدان 5,2 پايىزعا دەيىن تومەندەگەن.

«2011 جىلدان باستاپ جاڭا جۇمىس ورىندارىن قۇرۋ، كاسىپكەرلىكتى دامىتۋ، كاسىپتىك دايارلاۋ جانە جۇمىسپەن قامتۋعا جاردەمدەسۋگە باعىتتالعان «جۇمىسپەن قامتۋ جول كارتاسى 2020» باعدارلاماسى وبلىستا ءوز دەڭگەيىندە جۇزەگە اسىرىلىپ كەلەدى. ماسەلەن، 2011-2015 جىلدارى باعدارلاماعا بولىنگەن 51 ملرد.تەڭگەدەن استام قارجى ماقساتتى يگەرىلىپ، 190 مىڭنان استام ازاماتقا الەۋمەتتىك قولداۋ شارالارى كورسەتىلدى.  ال، وسى جىلى باعدارلاما اياسىندا 14,4 ملرد.تەڭگەگە 57 مىڭنان استام ازاماتقا الەۋمەتتىك كومەك كورسەتۋ جوسپارلانۋدا»،-دەدى باسقارما باسشىسى.

ءباسپاسوز ءماسليحاتىندا بەلگىلى بولعانداي، وڭىردە 2011-2015 جىلدار ارالىعىندا 36 مىڭنان استام جاڭا جۇمىس ورىندارى اشىلىپ، ولارعا 14 619 ادام نەمەسە 40,5 پايىزى جۇمىسپەن قامتۋ ورگاندارىنىڭ جولداماسى ارقىلى ورنالاسقان.

Abai.kz