اسىل ارنا تەلە ارناسىنىڭ ديرەكتورى مۇحامەدجان تازابەك «قازاقستان» تەلەارناسىنداعى «ايەل باقىتى» باعدارلاماسىندا قوعامدا بەلەڭ العان اجىراسۋدىڭ باستى سەبەپتەرىنە قاتىستى ءوز پىكىرىن ايتىپ، قازاق قىزدارىن «يتپەن» سالىستىرعان ەكەن. بۇل تۋرالى «NUR.KZ» پورتالى جازادى.

باعدارلامانىڭ كەزەكتى سانى قازىرگى قوعامدا اسا وزەكتى بولىپ وتىرعان اجىراسۋ تاقىرىبىنا ارنالعان. بۇل تۇستا ءدىنتانۋشى مۇحامەدجان تازابەك كورەرمەندەرگە، ونىڭ ىشىندە ايەل ادامدارعا قۇلاققاعىس رەتىندە  اجىراسۋدىڭ بىرنەشە سەبەپتەرىنە توقتالادى. تازابەكوۆ مىرزانىڭ ايتۋىنشا، قازىر ستاتيستيكا بويىنشا ءار ءۇشىنشى وتباسى اجىراسۋدىڭ الدىندا تۇر. ياعني، بۇل دابىل قاعاتىن جاعداي.

«بۇل نەنى كورسەتەدى؟ ياعني، ولاردىڭ وتباسى بولۋعا رۋحاني دەڭگەيلەرى جەتپەيدى نەمەسە كىشكەنتايىنان ونىڭ بويىندا، سانا سەزىمىندە وتباسى قۇندىلىقتارى ءپىسىپ-جەتىلمەگەن، سونىڭ سوڭى ءارتۇرلى جاعدايلارعا اكەپ سوقتىرۋى مۇمكىن. ءبىرىنشى وتباسىنا كەتۋ، تولىققاندى ماسەلەنى شەشە الماۋ، وتباسىن قۇرعاندا دا وعان جاۋاپسىزدىقپەن قادام باسۋ جانە تاعى باسقالارى»، – دەيدى ول.

 «بىراق وسىنىڭ تۇپكى سەبەبى بار. ءبىز قىزدارىمىزدى كىشكەنتاي كەزىنەن ەڭ ۇلكەن قۇندىلىق – وتباسىنىڭ ەگەسى بولۋ، ەر-ازاماتتىڭ كوڭىلىن تابۋ، ونىڭ جۇرەگىن جاۋلاۋ دەگەن نارسەگە مۇلدەم كوڭىل بولمەيتىن اتا-انالار كوبەيدى قازىر. سەبەبى اقپاراتتىق قۇندىلىقتاردىڭ بارلىعى بىزگە قىز بەن جىگىتتىڭ ورتاسىنداعى ماسەلەنى تەك قانا ماحابباتپەن كومكەرەدى. تەلەحيكايانى كورسەك تە، روليكتى كورسەك تە، بەينەباياندى كورسەك تە ماحابباتقا تولى، جاراسىمدى، سۇلۋ كورىنىستەردى، عاجاپ ساتتەردى عانا كوز الدىمىزعا اكەلى، جاستاردى رومانتيكاعا بايلاپ جاتىر. ال نەكە قيىپ، ۇيلەنۋ – ول ءومىر. ال ءومىر تەك قانا رومانتيكادان تۇرمايدى. ءومىردىڭ قيىنى، جەڭىلى، اۋىرى، پسيحولوگيالىق ءتۇرلى جاعدايلارى بار، وسىعان توتەپ بەرەتىن دايىندىق جوق»، – دەپ جالعادى ءسوزىن ءدىنتانۋشى.

ماسەلەن، اڭعا باراتىن ادام ءيتىن ەرتەدى، مىلتىعىن الادى، ۇستىنە ىڭعايلى كيىم كيەدى. بالىققا باراتىن ادام دا سولاي. سوندىقتان بۇل تۇستا كەتىپ بارا جاتقان قىزدى ءبىر وتباسىنىڭ كوسەگەسىن كوگەرتۋگە دايىنداۋ قاجەت دەيدى ءدىنتانۋشى.

«ال وسىعان، ءبىز، ەڭ قۇرىماعاندا، اڭشى ءيتىن ەرتكەندەي، بالىقشى قارماعان العانداي، قىزدىڭ قولىنا رۋحاني قارماق ۇستاتىپ جاتىرمىز با؟ ايەلى تۇڭعىش بالاسى سياقتى كۇيەۋىنىڭ قاس-قاباعىنا قاراي وتىرىپ، ونى كەز-كەلگەن وبەكتىدەن بەتىن بۇرىپ الۋعا ايەلدىڭ قۇدىرەتى دە، ماحابباتى دا، نازىكتىگى دە جەتەدى»، – دەگەن ول وتباسىنىڭ تىزگىنى ايەل ادامنىڭ قولىندا ەكەنىن ايتادى.

مۇحامەدجان تازابەكتىڭ ايتۋىنشا، قىز تۇرمىسقا شىققان سوڭ، قايتىپ اكە ۇيىنە ورالۋ تۋرالى ويلاماۋى كەرەك. سەبەبى ەگەر ول قايتىپ بارا الاتىنىن بىلسە، وندا ول «تۋىنداعان ماسەلەنى سابىر قىلىپ شەشۋگە تىرىسپايدى، سەبەبى ارتتا قايتار جول بار.

Abai.kz