قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى اعىمداعى جىلدىڭ 22-26 تامىز ارالىعىندا استانا قالاسىندا ىلەسپە اۋدارما جۇرگىزۋدى ۇيرەتۋدىڭ شەبەرلىك كلاستارىن وتكىزەدى، - دەپ حابارلايدى اباي-اقپارات مينيسترلىكتىڭ ءباسپاسوز قىزمەتىنە سىلتەمە جاساپ.

مەملەكەتتىك ءتىلدىڭ قولدانىسىن كەڭەيتۋ ماقساتىندا وتكىزىلەتىن  شەبەرلىك كلاستارىندا ىلەسپە اۋدارمانىڭ تەوريالىق ماسەلەلەرى، جازبا مەن اۋىزشا (ىلەسپە) اۋدارمانىڭ ەرەكشەلىكتەرى، ونىڭ بازالىق گرامماتيكالىق جانە فرازەولوگيالىق ۇلگىلەرى، اۋدارماشىنىڭ سوزدىك قورىن بايىتۋ جۇمىستارى بويىنشا دارىستەر وقىلادى. سونداي-اق، وقۋ بارىسىندا تەحنيكالىق قۇرالداردى قولدانا وتىرىپ، ىلەسپە اۋدارما جۇرگىزۋدىڭ ءتيىمدى تاجىريبەلىك ساباقتارى ارقىلى  ىلەسپە اۋدارماشىلاردىڭ پراكتيكالىق بىلىكتىلىگى ارتتىرىلادى.   

شەبەرلىك كلاستارىن بەلگىلى اۋدارماشى، فيلولوگيا عىلىمدارىنىڭ كانديداتى كامال الپەيىسوۆا جانە تاجىريبەلى عالىم اۋدارماشىلار جۇرگىزەدى.

شەبەرلىك ساباقتارىنا ورتالىق جانە جەرگىلىكتى اتقارۋشى ورگاندارى مەن ۇلتتىق كومپانيالاردىڭ اۋدارماشىلارى قاتىسادى.  

بايلانىس تەلەفوندارى:

فاكس: 8 (7172) 408397;

تەل: 8 (7172) 408393 (جۇمىس); 87472642646; 87013198887

اباي-اقپارات