قازىرگى تاڭدا مەملەكەت باسشىسىنىڭ تىكەلەي باستاماسىمەن قۇرىلعان جەر رەفورماسى تۋرالى كوميسسيا ءوز جۇمىسىن ءساتتى اياقتاپ، جەردى ساتۋ مەن ونى جالعا بەرۋدەگى تۇيتكىلدى ماسەلەلەردى شەشۋدىڭ جولدارىن قاراستىرعانى بەلگىلى. وسى ماقساتتا اتالعان كوميسسيا ەلىمىزدىڭ وڭىرلەرىن ارالاپ، وندا شارۋالارمەن كەزدەسكەن. قازىردىڭ وزىندە ءبىرسىپارا ماسەلەلەردى شەشىپ ۇلگەرگەن كوميسسيانىڭ جۇمىسىن وڭىرلەردەگى جۇمىسشى توپتار جالعاستىرۋدا.

كەنتاۋ قالالىق اقپاراتتىق ناسيحاتتىق توبى جەر كودەكسىنىڭ نورمالارىن ءتۇسىندىرۋ ماقساتىندا اششىساي اۋىلىندا بولدى. وندا قالالىق اۋىل شارۋاشىلىعى جانە جەر قاتىناستارى ءبولىمىنىڭ باسشىسى اسقار باۋبەك شارۋا سابىر كۋتۋزوۆپەن كەزدەسىپ، جەر رەفورماسى بويىنشا قۇرىلعان كوميسسيانىڭ جۇمىسىمەن تانىستىردى. شارۋانىڭ ويىن ءبىلىپ، پىكىر الماستى.

- مەن وتباسىممەن، بالالارىممەن تاۋ بوكتەرىندە قاراۋسىز قالعان جەردى رەتكە كەلتىردىم. باۋ-باقشا ەكتىم، مال شارۋاشىلىعىمەن اينالىستىم. مەن وسىندا جۇمىستى باستاعاندا كوپشىلىك ەڭبەگىڭ ەش كەتەدى، ەشنارسە بولمايدى دەگەن پىكىرلەر ايتقان. سەنىمسىزدىك بىلدىرگەن. قازىر ەڭبەگىمنىڭ جەمىسىن كورىپ جاتىرمىن. ءبىز ەڭ الدىمەن ەڭبەك ەتۋىمىز كەرەك. بالالارىمىزدى ەڭبەككە تاربيەلەۋىمىز قاجەت. ەڭبەك ەتكەن ادام ەشۋاقىتتا قور بولمايدى. اششىساي مەنىڭ تۋىپ وسكەن جەرىم، اۋىلدى گۇلدەندەرۋ وسىنداعى پەرزەنتتەردىڭ بورىشى دەپ بىلەمىن. بەيبىت ءومىردى سىيلاعان ەلباسىنا ۇلكەن العىسىمدى بىلدىرەمىن، - دەدى شارۋا سابىر كۋتۋزوۆ.

Abai.kz