بۇگىن وبلىس اكىمىنىڭ ورىنباسارى جاقىپ بوكەنباەۆ پەن قالا اكىمىنىڭ ورىنباسارى بەيسەنبەك جانبوسىنوۆ شىمكەنت قالاسىنداعى قۇرىلىسى جۇرگىزىلىپ جاتقان بىرقاتار كوشەلەردىڭ جۇمىسىمەن تانىستى. بۇل تۋرالى وقو اكىمىنىڭ ءباسپاسوز قىزمەتى حابارلايدى.

جىل باسىندا وقو اكىمى ب. اتامقۇلوۆتىڭ تاپسىرماسىنا وراي جەرگىلىكتى بيۋدجەتتەن قارجى قاراستىرىلىپ، قالانىڭ ورتالىق كوشەلەرىن كەڭەيتۋ جۇمىستارى باستالعان بولاتىن. وسى اتالعان تاپسىرمانىڭ ورىندالۋىن قادالاعان اكىمدىك وكىلدەرى تاۋكە حان مەن د.قوناەۆ داڭعىلى بويىنداعى جولداردىڭ جوندەۋ جۇمىستارىن ارالاپ كوردى.

قازىرگى تاڭدا قالانىڭ ورتالىق كولىك قوزعالىسىنداعى ماڭىزدى باعىت—تاۋكە حان داڭعىلى بويىنداعى  جول جيەگىندەگى ارىقتار، اياقجولدار مەن پاندۋستار جاڭارتىلۋدا. كۇردەلى جوندەۋ جۇمىستارى وسى جىلدىڭ قاراشا ايىنا دەيىن جالعاسىن تاپپاق. قۋانتارلىعى، قۇرىلىس جۇمىستارىنا پايدالانىلعان قاجەتتى ماتەريالداردىڭ 95 پايىزى وتاندىق قۇرىلىس ونىمدەرى.

ايتا كەتەيىك، جالپى وبلىستا 199 نىساندا جوندەۋ جۇمىستار جۇرگىزىلىپ، 519,9 شاقىرىم جول مەن جولاياق جانە 16 كوپىردى پايدالانۋعا تاپسىرۋ جوسپارلانۋدا. ونىڭ ىشىندە وبلىستىق ماڭىزى بار اۆتوموبيل جولدارىنىڭ 153,1 شق. كۇردەلى جانە 147,9 ورتاشا جوندەۋدەن، 72,3 شق. قۇرىلىس پەن قايتا قۇرۋ، 146,7 شق. ەلدى مەكەندەردىڭ كوشەلەرى ورتاشا جوندەۋمەن قالپىنا كەلتىرىلەتىن بولادى.

Abai.kz