مەدياتسيا - ەكى جاقتى بىتىمگەرلىككە شاقىراتىن، سونداي-اق ءبىر - بىرىنە اۋىر ءسوز سويلەتپەي تاتۋلاستىراتىن زاڭ.

وسى زاڭ اياسىن تولىققاندى ءتۇسىندىرۋ ماقساتىندا سەمينار كەڭەس ءوتتى.

وندا كەنتاۋ قالالىق سوتىنىڭ سۋدياسى ۇ.بايجىگىت "مەدياتسيا تۋرالى" زاڭى اياسىندا كەلىسپەۋشىلىك پەن داۋلاردى شەشۋدىڭ تيىمدىلىگىن بايانداپ بەردى. اتالعان زاڭ اياسىندا حالىق اراسىندا داۋلاردى (جانجالداردى) شەشۋدىڭ بالامالى ءادىسى تۋرالى كەنتاۋ قالاسى اكىمى اپپاراتىنىڭ زاڭ بولىمشەسىنىڭ باسشىسى س.ساميەۆا تولىققاندى مالىمەت بەرىپ ءوتتى. سەمينار-كەڭەستە توراعالىق ەتكەن قالا اكىمدىگىنىڭ اپپارات باسشىسى ب.اليمبەتوۆ "مەدياتسيا تۋرالى" زاڭدى حالىق اراسىندا كەڭ كولەمدە ناسيحاتتاۋ قاجەتتىگىن ايتتى. سەبەبى بۇرىنعى اتا-بابالارىمىز ءبىر اۋىلدان شىققان داۋ-دامايدى اۋىلدىڭ بەلدى اقساقالدارىنىڭ ارقاسىندا شەشىپ وتىرعان. ءدال قازىر سونداي بىتىمگەرشىلىككە شاقىراتىن بۇل زاڭنىڭ ماڭىزى زور.

مەدياتسيا ماسەلەسىن تۇسىندىرۋگە ارنالعان سەمينار-كەڭەس كەنتاۋ قالالىق سوتىندا دا بولىپ ءوتتى. وندا كەنتاۋ قالالىق سوتىنىڭ سۋدياسى ايجامال كەنەنباەۆا كوپشىلىككە مەدياتسيا ءتارتىبى جونىندە كەڭ كولەمدە مالىمەت بەردى. جيىنعا قاتىسقان قالالىق ارداگەرلەر كەڭەسىنىڭ توراعاسى يساحان جۇماباەۆ، "نۇر وتان" پارتياسى كەنتاۋ قالالىق فيليالى توراعاسىنىڭ ورىنباسارى ساعىمبەك اسىلبەكوۆ، مەدياتور فاريت ايۋپوۆ مەدياتسيا زاڭىنىڭ قوعامعا تيىمدىلىگىن جان جاقتى جەتكىزدى.

Abai.kz