بۇگىن وقو ايماقتىق كوممۋنيكاتسيالار قىزمەتىندە  مەملەكەتتىك كىرىستەر دەپارتامەنتىنىڭ باسشىسى التىنسارى ۇمبەتاليەۆ «100 ناقتى قادام» ۇلت جوسپارىنىڭ ورىندالۋ بارىسى مەن ءبىرىنشى جارتىجىلدىقتا اتقارىلعان جۇمىستار جونىندە باياندادى. 

ءباسپاسوز ءماسليحاتىندا سپيكەر بەس ينستيتۋتسيونالدىق رەفورمانى جۇزەگە اسىرۋعا باعىتتالعان «100 ناقتى قادامنىڭ» مەملەكەت ءۇشىن وتە ماڭىزدى ەكەنىن اتاپ ءوتىپ، سالىق جانە كەدەن ساياساتىنا قاتىستى مەملەكەتتىك كىرىستەر ورگاندارىنىڭ قۇزىرەتىنە جاتاتىن 9 مىندەتتى اتادى.

«العاشقى توپتاعى 4 قادامداعى  شارالار كەدەندىك دەكلاراتسيالاۋدى جەڭىلدەتۋدى، سونداي-اق يمپورتتىڭ سوڭعى تۇتىنۋشىعا جەتۋىن قاداعالاۋدى كوزدەيتىن جۇيەلەردى ينتەگراتسيالاۋ جانە ەلەكتروندىق دەكلاراتسيالاۋدى دامىتۋ. ساۋاتتى ورىنداۋ شارتى كەزىندە اتالعان شارالار كەدەندىك رەسىمدەۋ ءراسىمىن جىلدامداتۋعا سەپتىگىن تيگىزەدى. بۇل، اسىرەسە، كاسىپكەرلەر ءۇشىن قولايلى وزگەرىس بولماق»،- دەدى ا.ۇمبەتاليەۆ.

وزدەرىڭىزگە ءمالىم، مۇلىكتەر مەن قاراجاتتاردى راقىمشىلىق جاساۋ مەرزىمى وسى جىلدىڭ سوڭىنا دەيىن ۇزارتىلعان. وسى ورايدا، اتالعان باعىت بويىنشا جۇمىستاردى جانداندىرىپ، دەپارتامەنت پەن وبلىس اكىمدىگى بىرلەسە مۇلىكتى جاريا ەتۋگە بايلانىستى مەديا-جوسپار قۇرىپ، حالىق اراسىندا كەڭىنەن ۇگىت-ناسيحات جۇمىستارىن جۇرگىزدى. ناتيجەسىندە بۇگىنگى كۇنگە مەملەكەتتىك كىرىستەر ورگاندارى تاراپىنان، قازاقستان رەسپۋبليكاسىنان تىس ورنالاسقان جىلجىمايتىن مۇلىكتەر بويىنشا 328 ملن.تەڭگەنى قۇرايتىن 19 ءوتىنىش بويىنشا راقىمشىلىق جاسالىندى. ال جىل باسىنان وبلىسىمىزدىڭ 146 ازاماتى 14,2 ملرد.تەڭگە كولەمىندە اقشا قاراجاتتارىن جاريا ەتتى.

دەپارتامەن باسشىسى  2016 جىلدىڭ 1-ءشى جارتىجىلدىعىنا قويىلعان جوسپاردى بارلىق دەڭگەيدەگى بيۋدجەتتەر بويىنشا اسىرا ورىنداعاندارىن ايتىپ، مەملەكەتتىك بيۋدجەتكە 150,4 ملرد. تەڭگە كولەمىندە قارجى ءوندىرىلىپ،  مەجەلەنگەن جوسپار 139 پايىزعا ورىندالعانىن ءمالىم ەتتى.

بريفينگتە التىنسارى ۇمبەتاليەۆ سوتقا دەيىنگى تەرگەپ-تەكسەرۋ باعىتىندا ساپالى جۇمىستار ۇيىمداستىرعانىن، ناتيجەسىندە زاڭسىز اينالىمنان 313 دانا ويىن قۇرال-جابدىقتارى، 457 853 دانا الكوگولدىك جانە 11 188 دانا كونترافاتكىلىك ونىمدەرى انىقتالعانىن حابارلادى.

Abai.kz