"رۋسسكيە" قوزعالىسىنىڭ جەتەكشىلەرىنە ۇكىم شىعارىلادى
ماسكەۋدىڭ مەششاندىق سوتى بۇگىن "رۋسسكيە" ۇلتتىق قوزعالىسىنىڭ بۇرىنعى جەتەكشىسى الەكساندر پوتكينگە (بەلوۆ) ۇكىم شىعارىلاتىن كۇندى بەلگىلەيدى، دەپ حابارلادى «ينتەرفاكس» اقپارات اگەنتتىگى.
پوتكين 2014 جىلى قازاندا قازاقستاندىق بتا بانكتەن بەس ميلليارد دوللار ۇرلانعانى تۋرالى ءىس اياسىندا ۇستالعان ەدى. ونى قىلمىستىق جولمەن تۇسكەن اقشانى زاڭداستىردى دەپ ايىپتادى. بۇعان قوسا پوتكينگە ەكسترەميستىك قاۋىمداستىق قۇردى، ديۆەرسيا جاسادى جانە ۇلتارالىق ارازدىقتى قوزدىردى دەگەن كۇدىكتەر تاعىلدى.
دۇيسەنبى كۇنى پروكۋرورلار پوتكيندى توعىز جىلعا باس بوستاندىعىنان ايىرۋ جازاسىن سۇرادى. پوتكيننىڭ ءوزى تاعىلعان ايىپتاردى جوققا شىعاردى، ول قىلمىستىق ءىستى ساياسي قۋدالاۋ دەپ ەسەپتەيدى.
اباي-اقپارات
