كونكۋرستىق ىرىكتەۋ نەگىزىندە وڭتۇستىك قازاقستان وبلىسى قۇرىلىس باسقارماسى باسشىسىنىڭ ورىنباسارى لاۋازىمىنا توقتار ورازۇلى ۋسۋباليەۆ تاعايىندالدى. 

بۇل تۋرالى «Abai.kz» پورتالى وڭتۇستىك قازاقستان وبلىسى اكىمى ءباسپاسوز قىزمەتىنىڭ «فەيسبۋك» جەلىسىندەگى رەسمي پاراقشاسىنا سىلتەمە جاساي وتىرىپ حابارلايدى.

توقتار ورازۇلى ۋسۋباليەۆ 1972 جىلى 22 قازان ايىندا وڭتۇستىك قازاقستان وبلىسى، سايرام اۋدانى، اقبۇلاق اۋىلدىق وكرۋگىندە تۋىلعان، ءبىلىمى جوعارى، ماماندىعى ينجەنەر-ەكونوميست، ينجەنەر. 
ەڭبەك جولىن 1997 جىلى شىمكەنت قالاسى، ساۋلەت جانە قالا قۇرىلىسى باسقارماسىنىڭ جوبالاۋ بويىنشا ينسپەكتورى بولىپ باستاعان. 

1998-1999 جىلدارى شىمكەنت قالاسى، جوبالاۋ وندىرىستىك باسقارماسىنىڭ باسشىسى، 1999-2002 جىلدارى قالالىق ساۋلەت جانە قالا قۇرىلىسى باسقارماسىنىڭ جارناما بويىنشا ينجەنەرى، ەكونوميكالىق اناليز جانە جوسپارلاۋ باسقارماسىنىڭ باس مامانى قىزمەتتەرىن اتقارعان.

2002-2009 جىلدارى وڭتۇستىك قازاقستان وبلىسى اۋماقتىق ساۋلەت-قۇرىلىس باقىلاۋ جانە ليتسەنزيالاۋ باسقارماسىنىڭ ءبولىم باسشىسى، مەملەكەتتىك ساۋلەت-قۇرىلىس باقىلاۋ باسقارماسى باسشىسى ورىنباسارى جانە قۇرىلىس باسقارماسى باسشىسىنىڭ ورىنباسارى لاۋازىمدارىندا ەڭبەك ەتكەن. 

2013-2014 جىلدارى «كازمتوگرۋپپ» جشس-دە ديرەكتوردىڭ ورىنباسارى بولعان.
2014 جىلدان باستاپ بۇگىنگى كۇنگە دەيىن «تاۋ-كەن سامۋرىك» اق-دا ۇيىمداستىرۋدى قامتاماسىز ەتۋ دەپارتامەنتىنىڭ ديرەكتورى قىزمەتىن اتقارىپ كەلدى.

Abai.kz