وڭتۇستىك قازاقستان وبلىسىنىڭ اكىمى بەيبىت اتامقۇلوۆ اقتوبەدە ەرلىكپەن قازا تاپقان قر ۇلتتىق گۆاردياسىنىڭ ساربازى دوسبول ساپاردىڭ وتباسىنا شاردارا قالاسىنان 4 بولمەلى جەكە تۇرعىن ءۇيدىڭ كىلتىن تابىس ەتتى، دەپ حابارلايدى ۆnews.kz.

بۇل باسپانانى مارقۇم دوسبولدىڭ شاڭىراعى دەپ بىلەتىنىن جەتكىزگەن ءوڭىر باسشىسى وسىنداي وتانشىل ۇلدى دۇنيەگە اكەلگەن ونىڭ اتا-اناسىنا العىسىن ءبىلدىردى.

وقو اكىمى ءباسپاسوز قىزمەتىنىڭ مالىمەتىنشە، سالتاناتتى راسىمگە سونىمەن قاتار، وقو ءىىد-ءنىڭ باستىعى، پوليتسيا گەنەرال-مايورى ا.وسپانوۆ، وقو ءىىد جپق-ءنىڭ باستىعى، پوليتسيا پولكوۆنيگى ب.ابىلاەۆ جانە دوسبول ساپاردىڭ باۋىرلارى مەن تۋىستارى، ىشكى ىستەر دەپارتامەنتىنىڭ جەكە قۇرامى مەن باق وكىلدەرى قاتىستى.

وبلىستىق ىشكى ىستەر دەپارتامەنتى مەن جەرگىلىكتى پوليتسيا قىزمەتكەرلەرىنىڭ ءبىر كۇندىك جالاقىسىنا الىنىپ، مارقۇم دوسبولدىڭ وتباسىنا بەرىلگەن جاڭا ءۇيدىڭ اۋدانى 138 شارشى مەتردى قۇراسا، قوسىمشا شارۋاشىلىق الاڭشاسى – 108 شارشى مەتر. مۇنان بولەك، ورتاق قارجىدان وتباسىعا ءۇشىن ءىرى قارا مەن ۇساق مالدار جانە تۇرمىستىق تەحنيكالار، كومپيۋتەر مەن قاجەتتى جيھازدار الىپ بەردى.

ەستەرىڭىزگە سالساق، 1997 جىلى تۋعان شاردارا اۋدانى كوكسۋ اۋىلىنىڭ تۇرعىنى قر ۇلتتىق گۆاردياسىنىڭ ساربازى دوسبول ساپار ەركىنبەكۇلى 2016 جىلدىڭ 5 ماۋسىم كۇنى اقتوبەدەگى №6655 اسكەري بولىمىنە جاسالعان قارۋلى شابۋىلدان قازا تاپقان بولاتىن.+

Abai.kz