جەر كوميسسياسىنىڭ قۇرىلۋى - حالىقتىڭ جەڭىسى
م.تايجان: كوميسسيانىڭ جۇمىسى جەمىستى بولدىاستانادا ءوتىپ جاتقان جەر رەفورماسى جونىندەگى كوميسسيانىڭ وتىرىسىندا، مۇحتار تايجان ءموراتوريدى 5 جىلعا ۇزارتۋ وتە ورىندى شەشىم، - دەگەن پىكىر ايتتى، دەپ حابارلايدى Baq.kz ءتىلشىسى.بiزدiڭ كوميسسيامىزدىڭ جۇمىسى جەمiستi بولدى دەپ ەسەپتەيمiن. ءۇش ايدىڭ iشiندە وسىنداي شەشiمگە كەلدiك. جاسىراتىنى جوق، بۇل ۇسىنىستى بiزدە تالقىلادىق. مەنiڭشە، مۇنداي شەشiم بۇگiن قابىلدانسا، وندا حالىقتىڭ كوڭiلiنەن شىعادى. سەبەبi, بەس جىل جەر ەشكiمگە ساتىلمايدى، شەتەلدiكتەرگە جالعا بەرiلمەيدi. حالىقتىڭ قالاۋى سول بولدى. ال بەس جىلدان كەيiن تاعى دا بiز امان بولساق، ەل بولامىز، تاعى دا قاراستىرۋعا بولادى»،-دەيدى م.تايجان
ونىڭ ايتۋىنشا، كوميسسيا وسى ءۇش ايدىڭ ىشىندە از جۇمىس اتقارعان جوق. بىرقاتار، اسا ماڭىزدى شەشىمدەر قابىلدانعان. ءالى دە بىرقاتار ماسەلەلەردىڭ باسى اشىق.
«كوميسسيا بەس جىل جۇمىس iستەي المايدى، بiراق جۇمىسشى توپ پا، باسقا بiر شەشiم قابىلداۋىمىز كەرەك. پارلامەنتتiڭ iشiندە بۇل ۇسىنىستاردى ءتۇسiندiرۋ، كەرەك بولسا قورعاۋ ءۇشiن جۇمىستى توپ قۇرۋىمىز كەرەك. توراعا ايتىپ كەتكەندەي، ءۇش ايدىڭ iشiندە لاتيفۋنديزمگە قارسى، جايىلىم جەر تۋرالى، باسقا دا دۇرىس شەشiمدەردi قابىلدادىق» - دەدى جەر رەفورماسى جونىندەگى كوميسسيانىڭ قۇقىقتىق توبىنىڭ جەتەكشىسى م.تايجان.
سونداي اق، م.تايجان جەرىن شەكسىز سۇيەتىن ەل مەن ەلباسىعا ۇلكەن العىس ءبىلدىردى.
«مەنiڭ ويىمشا، بiرiنشiدەن، پاتريوتتىق كورسەتكەن حالىققا راحمەت ايتۋىمىز كەرەك. ەكiنشiدەن، پرەزيدەنتكە العىس ايتۋ كەرەك. ويتكەنi حالىقتىڭ پiكiرiن ەستiپ، ءتۇسiنiپ، موراتوري جاريالاپ، كوميسسيا قۇردى. ول دا وتە ورىندى شەشiم بولدى. ۇشiنشiدەن، كوميسسيا مۇشەلەرiنە راحمەت ايتامىن»،-دەدى م.تايجان.
د.بابامۇراتوۆ: جەر كوميسسياسىنىڭ قۇرىلۋى – بۇل حالىقتىڭ جەڭىسى
جەر كوميسسياسىنىڭ بۇگىنگى وتىرىسىندا كوميسسيا مۇشەسى داۋرەن بابامۇراتوۆ اۋىل شارۋاشىلىعى جەرلەرىن شەتەلدىكتەرگە جالعا بەرۋ مەن قازاقستاندىقتارعا جەكەمەنشىككە ساتۋعا قويىلعان ءموراتوريدى تاعى بەس جىلعا ۇزارتۋ تۋرالى ۇسىنىستى قولدادى ، دەپ حابارلايدى Baq.kz ءتىلشىسى.
«قالىپتاسقان جاعدايدا ەڭ ۇتىمدى شەشىم وسى بولسا كەرەك. سوندىقتان بۇل – حالىقتىڭ جەڭىسى، ەلدىڭ جەڭىسى. بۇرىن كوتەرىلىپ جۇرگەن باستى ماسەلەلەر وسى ەدى. ءۇش ايدىڭ ىشىندە ءبىز ەكى تاراپتىڭ دا كوزقاراسىن تىڭدادىق»، - دەپ اتاپ ءوتتى داۋرەن بابامۇراتوۆ.
ونىڭ پىكىرىنشە، ورتاق شەشىم قابىلداۋ ءۇشىن ۋاقىت كەرەك ەكەنى ءسوزسىز.
«سوندىقتان مەن ءموراتوريدى قولدايمىن. ال ەندى، ءبىر ايدىڭ ىشىندە كوميسسيا قۇرامى ونداعان، ودان دا كوپ ءتاپ-ءتاۋىر ۇسىنىس ايتتى. ول ۇسىنىستاردىڭ تاعدىرى نە بولادى؟ وسى ۇسىنىستاردىڭ ۇتىمدى بولۋىن، دۇرىس جۇيەگە اسۋىن، ارى قاراي دۇرىس وڭدەلۋىن، جوندەلۋىن كىم قاداعالايدى، كىم باقىلايدى؟ ءبىزدىڭ وسىنداي مىنبەردەن تاعى سويلەۋگە مۇمكىندىگىمىز بولا ما؟ وسى سۇراقتار مەن ءۇشىن وتە ماڭىزدى. ەندى، ماراتوري جاريالاعاننان كەيىن كوميسسيا جۇمىسى توقتايتىنى ايدان انىق. ول دۇرىس تا شىعار. بىراق تا كوميسسيانىڭ شەشىمدەرىن باقىلايتىن، ىسكە اسىراتىن، قاراپ وتىراتىن قوسىمشا ءبىر ورگان نەمەسە تاعى ءبىر كوميسسيا قۇرىلۋى قاجەت ەكەنى ءسوزسىز. مەن ءماراتوريدى قولدايمىن»، - دەپ تۇيىندەدى كوميسسيا مۇشەسى.
ەستەرىڭىزگە سالا كەتەيىك، جەر رەفورماسى جونىندەگى كوميسسيانىڭ بۇگىنگى وتىرىسىندا قر پرەمەر-ءمينيسترىنىڭ ورىنباسارى، اۋىل شارۋاشىلىعى ءمينيسترى، كوميسسيا توراعاسى اسقار مىرزاحمەتوۆ جەر كودەكسىنىڭ كەيبىر باپتارىنا ەنگىزىلگەن ءموراتوريدى بەس جىلعا – 2022 جىلعا دەيىن ۇزارتۋدى ۇسىنعان بولاتىن.
مۇرات ابەنوۆ: كوميسسيا جۇمىسى توڭىرەگىندە 10 سوتىق ماسەلەسى وڭ شەشىمىن تاپتى
جەر رەفورماسى جونىندەگى كوميسسيا وتە ءونىمدى جۇمىس ىستەپ، الدىن الا بىرقاتار شەشىمدەر قابىلداندى. بۇلار ورىندى شەشىم دەپ، - دەگەن ويىن ءبىلدىردى كوميسسيا وتىرىسى بارىسىندا مۇرات ابەنوۆ، - دەپ حابارلايدى Baq.kz ءتىلشىسى.
كوميسسيانىڭ جەتكەن جەتىستىگى مەن قابىلداعان شەشىمدەرى ەلدىڭ ساياسي مادەنيەتىنىڭ وسكەنىن كورسەتەدى دەپ ەسەپتەيدى م.ابەنوۆ.
«مەملەكەتiمiز جاڭا ساياسي مادەنيەت دەڭگەيiنە جەتتى. سەبەبi, قوعامنىڭ وزگەرۋi, ساياسي، اقپاراتتىق، قۇقىقتىق، ەكونوميكالىق ساۋاتتىلىعى وسكەنi بايقالدى. قوعامنىڭ كوتەرگەن ماسەلەسiن بيلiك قولداپ، كەلiسسوزدەرگە بارىپ، وسىنداي كوميسسيا قۇرعانى دۇرىس شەشiم دەپ ويلايمىن. بەس جىلعا توقتاتاتىن بولساق، بۇل ماسەلە توقتاپ قالدى، شەشiلمەي قالدى دەگەن ەمەس. "وزگەرiستەردi قابىلدامايمىز، حالىقتىڭ ايتقانى بولدى، ءالi دە بiز دايىن ەمەسپiز، سوندىقتان بۇل ماسەلەنi ازiرشە توقتاتۋىمىز كەرەك» دەگەن شەشiم دەپ ەسەپتەيمiن» »، - دەدى م.ابەنوۆ.
م.ابەنوۆتىڭ ايىتۋنشا، كوميسسيا توڭiرەگiندە 10 سوتىق ماسەلەسi كوتەرiلiپ، جاعىمدى شەشىم قابىلداندى. بiراز شەشiمiن تاپتى، ۇكiمەت قارجى ءبولدi. بۇل كوميسسيانىڭ جاقسى شەشiمi دەپ ەسەپتەيدى م.ابەنوۆ.
س.سۇلتانعالي: ءبارى ساتىمەن كەلىپ تۇر
كوميسسيا ءوز ميسسياسىن تولىق اتقاردى. بەس جىلدا ۇلكەن تەحنيكالىق ماماندار دايىندايمىز، - دەپ مالىمدەدى «بىرلىك» پارتياسىنىڭ توراعاسى، كوميسسيا مۇشەسى سەرىك سۇلتانعالي، - دەپ حابارلايدى Baq.kz ءتىلشىسى.
س.سۇلتانعاليدىڭ ايتۋىنشا كوميسسيا ءوزىنىڭ باستى مىندەتتەرىن تولىق اتقارىپ شىققان.
«كوميسسيانىڭ جۇمىسى وتە ماڭىزدى ءوتتi. كوميسسيا ءوز جۇمىسىن ەكi ءجۇز پايىز ورىندادى. سەبەبi, ارالاعان جەرلەرiمiزدە حالىقتىڭ پiكiرi بiر نۇكتە قويۋ كەرەك دەگەنگە توعىستى. بەس جىلعا موراتوري جاريالاۋدى قولدايمىن. بەس جىلدا جەرگە قاتىستى ساۋاتىمىزدى كوتەرەمiز. ەكiنشiدەن، ەلباسى جىلدىڭ باسىندا تاپسىرما بەرiپ، كەلەسi جىلدان كاسiپتiك-تەحنيكالىق بiلiم تەگiن بولادى. ءبارi ساتiمەن كەلiپ تۇر. بەس جىلدا ۇلكەن تەحنيكالىق مامانداردى دايىندايمىز. ونىڭ بارلىعى كەزiندە جابىلدى عوي. ەكiنشi جاعىنان، عىلىمي الەۋەتتi دامىتۋ كەرەك»- دەيدى س.سۇلتانعالي.
ول كوميسسيا جۇمىسى وسىمەن بiتۋi كەرەك دەپ ەسەپتەيدى. ەڭ باستىسى، حالىقپەن ساناسۋ ءۇشiن ەلباسىنىڭ تاپسىرماسىمەن وسى كوميسسيا قۇرىلدى. ەندi كوميسسيانىڭ ۋاقىتى كەلدi. بارiنە راحمەت ايتىپ، مامانداردىڭ جۇمىس توبىنا كiرiپ، ەڭبەك ەتۋiنە ەشكiمنiڭ قارسىلىعى جوق.
Baq.kz cايتىنا جاريالانعان ماقالالار نەگىزىندە دايىندالدى.
Abai.kz
