اقش ادىلەت مينيسترلىگىنىڭ بايدەن باستاعان دەلەگاتسياسى 22 تامىزدا تۇركياعا بارادى. ودان سوڭ تۇرىك دەلەگاتسياسى قۇراما شتاتتارعا اتتانادى.

قازان ايىندا اقش مەملەكەتتىك حاتشىسى دجون كەرري دە تۇركياعا ساپارلايدى دەپ جوسپارلانعان. تۇرىك پرەمەرى امەريكالىق تاراپتىڭ گۇلەندى ەكستراديتسيالاۋعا قاتىستى شەشىمى ەكى ەل اراسىن جاقىنداستىرادى دەپ مالىمدەدى.

تۇركيادا 16 شىلدەدەگى ءساتسىز اياقتالعان اسكەري توڭكەرىستەن سوڭ 20 مىڭنان استام ادام ۇستالىپ، 80 مىڭ مەملەكەتتىك، پوليتسيا جانە اسكەر قىزمەتكەرى جۇمىستان شىعارىلدى. ولاردىڭ بارلىعى دا قازىر اقش-تا تۇراتىن گۇلەنمەن بايلانىسى بار دەپ ايىپتالدى. تامىزدىڭ باسىندا تۇرىك بيلىگى ونى قاماۋعا وردەر بەردى. ءدىن ۋاعىزداۋشىسى تاۋەلسىز سوت ونىڭ كىناسىن دالەلدەگەن جاعدايدا عانا تۇرىك بيلىگىنە ءوز ەركىمەن بەرىلەتىنىن مالىمدەدى.

اباي-اقپارات