جيزاقتا ەكى جۇمىسشى وزدەرى قازعان ورعا ءتۇسىپ ءولدى
وزبەكستاننىڭ جيزاق وبلىسىندا كارىز جۇيەسىن جوندەۋشى ەكى ادامدى توپىراق باسىپ قالدى. «فايز» كوممۋنالدىق-قۇرىلىس كاسىپورىنىنىڭ باسشىلىعى جۇمىسشىلاردىڭ ەڭبەك قاۋىپسىزدىگىن قامتاماسىز ەتپەگەنى ءۇشىن جاۋاپكەرشىلىككە تارتىلدى.
9 تامىزدا جيزاق قالاسىنداعى «المازار» ماحاللاسىندا قازانشۇڭقىر قازعان ەكى جۇمىسشى جەر استىندا قالىپ قويدى. ەكەۋى دە وقيعا ورنىندا قايتىس بولدى. قۇتقارۋشىلار جۇمىسشىلاردىڭ ءولى دەنەلەرىن تەرەڭدىگى 5 مەترلىك وردان الىپ شىقتى.
وقيعا كۋاگەرلەرىنىڭ ازاتتىق راديوسىنا حابارلاۋىنشا، بۇل ەكەۋىن كاسىپورىننىڭ تەحنيكالىق قاۋىپسىزدىكتەن حابارى جوق قىزمەتكەرلەرى جۇمىسقا العان.
"ەشقانداي تەحنيكالىق قاۋىپسىزدىكتى ساقتاماستان ور قازدىن. ونىڭ قابىرعالارى وپىرىلىپ ءتۇسىپ، جۇمىسشىلاردى باسىپ قالدى»، - دەدى جيزاق تۇرعىنى.
قازىرگى تاڭدا جيزاق پوليتسياسى ەكى جۇمىسشىنىڭ ولىمىنە قاتىستى تەرگەۋ جۇرگىزىپ جاتىر.
اباي-اقپارات
