شىمكەنتتىڭ تۇرعىندارى ەندى ءتارتىپ ساقشىلارىمەن Skype ارقىلى بايلانىسا الادى. قالالىق جەرگىلىكتى پوليتسيا مەن قالا اكىمدىگى تۇرعىندارمەن Skype-كونفەرەنتسيا وتكىزەدى. بۇل تۋرالى قالالىق جەرگىلىكتى پوليتسيا قىزمەتىنىڭ باسشىسى دانيار مەيىرحان مالىمدەدى.

بۇل تۋرالى «Abai.kz» پورتالى «otyrar.kz» سايتىنا سىلتەمە جاساي وتىرىپ حابارلايدى.

Əر دۇيسەنبى سايىن قالالىق جەرگىلىكتى پوليتسيا قىزمەتىنىڭ باسشىسى مەن اۋداندارداعى جاۋاپتى باسشىلارى (كەستەگە سəيكەس) بەينەقوڭىراۋلارعا جاۋاپ بەرەدى. بۇعان قوسا ازاماتتار اپتا بويى @Shymkent_mps اككاۋنتىنا قوڭىراۋ سوعىپ، بەينە ساۋالداردى قالدىرا الادى.

«ۋچاسكەلىك پوليتسيا ينسپەكتورلارى مەن كəمەلەتكە تولماعاندار ءىسى جونىندەگى ينسپەكتورلاردىڭ قىزمەتىنە قاتىستى شاعىم نەمەسە ۇسىنىستارىڭىز بولسا، Skype ارقىلى قوڭىراۋ شالۋى قاجەت. بەينەكونفەرەنتسيا جازىپ الىنادى جəنە əر شاعىمعا جەرگىلىكتى پوليتسيا قىزمەتكەرلەرى مىندەتتى تۇردە دەن قويادى. اتالعان قىزمەت بيىلعى 5 قىركۇيەكتەن باستالادى» دەپ جازادى دانيار مەيىرحان.

ەستەرىڭىزدە بولسا، وقو جەرگىلىكتى پوليتسيا قىزمەتىنىڭ جۇمىسى تۋرالى ءماجىلىس وتكەن ەدى.

ەسكە سالايىق، مەملەكەت باسشىسى ن.نازارباەۆتىڭ بەس ينستيتۋتسيونالدىق رەفورماسىن جۇزەگە اسىرۋدىڭ «100 ناقتى قادامى» - ۇلت جوسپارىن ورىنداۋ اياسىندا قازاقستاننىڭ بارلىق وڭىرلەرىندە جەرگىلىكتى پوليتسيا قىزمەتى قۇرىلعان بولاتىن. جيىندا نەگىزگى بايانداماشى رەتىندە وقو جەرگىلىكتى پوليتسيا قىزمەتىنىڭ باستىعى ب.ابىلاەۆ بولدى. قۇرىلىم باسشىسىنىڭ ايتۋىنشا، وقو-دا جەرگىلىكتى پوليتسيا قىزمەتىنىڭ جۇمىسىن ۇيىمداستىرۋ بويىنشا قاجەتتى شارالاردىڭ بارلىعى جاسالعان.

Abai.kz