جاستار - قاي زاماندا، قاي ەلدە بولماسىن اسقاق ارمان مەن ءۇمىت، بيىك ار مەن ءور نامىستىڭ سيمۆولى.

ولار قاي كەزدە دە، قاي قوعامدا دا بەلسەندى بۋىن وكىلدەرى. ەلىمىزدەگى جاس بۋىن وكىلدەرى مەملەكەتىمىزدىڭ جاڭا كەلبەتىن قالىپتاستىرادى. ولاردىڭ جاڭا بەلەستەرگە دەگەن ۇمتىلىسى جاڭا يدەيالاردىڭ تۋىنداۋىنا سەبەپشى بولادى. ال جاڭا يدەيا قازاق ەلىنىڭ جاڭارۋىنا باعىت الىپ، “ماڭگىلىك ەل” بولۋىنا نىق قادام باستايدى.

تەك بىزدە عانا ەمەس، الەم جۇرتشىلىعى جاستاردىڭ الىپ كۇش يەسى ەكەندىگىن مويىنداپ، ولارمەن ساناسادى. سوندىقتان ءبىر جىلدىڭ ايتۋلى ءبىر كۇنىن ارنايى جاستار مەرەكەسى ەتىپ، كۇنتىزبەدە بەلگىلەگەن. ياعني، 12 تامىز - حالىقارالىق جاستار كۇنى رەتىندە اتالىپ وتىلەدى. 

وسى ماقساتتا بۇگىن قالالىق ىشكى ساياسات ءبولىمىنىڭ باسشىسى ا.الىبەك ارىس قالاسىنىڭ بىرقاتار بەلسەندى جاستارىن 12 تامىز – حالىقارالىق جاستار كۇنi مەرەكەسىمەن قۇتتىقتاپ، العىس حاتتارمەن ماراپاتتادى.

- "جاستارى جالىن جۇرەكتى، ءورشىل نامىستى ەلدىڭ الار اسۋى بيىك بولادى" دەپ ەلباسىمىز بارلىق جاستارعا زور سەنىم ءبىلدىرىپ وتىر. سول سەبەپتى جاستار كۇشىمىزدى بىرىكتىرىپ، ەلىمىزدىڭ ءوسىپ-وركەندەۋىنە، كوركەيىپ، گۇلدەنۋىنە ۇلەس قوسىپ، ەلباسى سەنىمىن اقتاۋىمىز قاجەت،- دەدى ا.الىبەك.

Abai.kz