بۇگىن وقو ايماقتىق كوممۋنيكاتسيالار قىزمەتىندە قر مەملەكەتتىك قىزمەت ىستەرى مينيسترلىگىنىڭ وقو دەپارتامەنتى باسشىسىنىڭ ورىنباسارى، ادەپ جونىندەگى كەڭەس حاتشىلىعىنىڭ مەڭگەرۋشىسى ابدۋللا ەسىمحانوۆ جۋرناليستەرمەن ءباسپاسوز كونفەرەنتسياسىن وتكىزدى.

اتالعان دەپارتامەنتتىڭ 2016 جىلدىڭ ءى جارتى جىلدىعى مەن ادەپ كودەكسىنىڭ  نورمالارى بويىنشا بايانداعان باسشى ورىنباسارى جىل باسىنان بەرى ادەپ جونىندەگى كەڭەستىڭ 5 وتىرىسى ءوتىپ، وندا 50 ماسەلە قارالعانىن جەتكىزدى. ناتيجەسىندە، ادەپ جونىندەگى كەڭەستىڭ شەشىمى نەگىزىندە، مەملەكەتتىك ورگان باسشىلارىمەن 31 تارتىپتىك جازا قولدانىلعان. 

«جەرگىلىكتى اتقارۋشى ورگانداردا ازاماتتاردىڭ وتىنىشتەرىن قاراۋ كەزىندە لاۋازىمدى تۇلعالار وزدەرىنىڭ ءىس-ارەكەتىمەن «قر مەملەكەتتىك قىزمەتى تۋرالى» زاڭىنىڭ 51 بابىنىڭ 1 تارماعىنداعى مۇددەلەر قاقتىعىسىنىڭ ورىن الۋىنا جول بەرگەن دەرەكتەر انىقتالعان. اتاپ ايتقاندا، بەلگىلى بولعان سارىاعاش اۋدانىنا قاراستى بىرتىلەك اۋىلدىق وكرۋگىنىڭ لاۋازىمدى تۇلعاسى، ماقتارال اۋدانىنا قاراستى جىلى سۋ اۋىلدىق وكرۋگى اكىمى اپپاراتىنىڭ لاۋازىمدى تۇلعاسىنا بۇگىندە ءتيىستى شارالار قابىلدانعان»، - دەدى ا.ەسىمحانوۆ. 

ءباسپاسوز جيىندا جەكە جانە زاڭدى تۇلعالاردىڭ وتىنىشتەرى بويىنشا دا جۇمىستاردىڭ بارىسى باياندالدى. ا.مىڭباسىۇلىنىڭ ايتۋىنشا، التى ايدا وسىنداي تۇلعالاردان 181 ءوتىنىش ءتۇسىپ، ءتيىستى جاۋاپتار بەرىلگەن. ال جەكە جانە زاڭدى تۇلعالاردىڭ 65 ءوتىنىشى بويىنشا 43 جوسپاردان تىس تەكسەرۋلەر جۇرگىزىلىپ، ناتيجەلەرى بويىنشا قورىتىندى - انىقتامالار تۇزىلگەن.

سونداي-اق، باسقوسۋدا بەلگىلى بولعانداي، جىل باسىنان بەرى ادەپ جونىندەگى ۋاكىلگە مەملەكەتتىك قىزمەتشىلەر مەن جەكە تۇلعالاردان 68 ءوتىنىش كەلىپ تۇسكەن. ولاردىڭ 53-ءى اۋداندار مەن قالالاردا. نەگىزىنەن، ادەپ كودەكسى مەن مەملەكەتتىك قىزمەت تۋرالى زاڭ بويىنشا كەلگەن سۇراقتارعا ءتيىستى جاۋاپتار بەرىلىپتى.

وقو اكىمىنىڭ ءباسپاسوز قىزمەتى

اباي-اقپارات