مىنا سۋرەتتىڭ اۆتورى ليۋ ي اتتى كانادالىق قىتاي سۋرەتشى. 2005 جىلى 6ناۋرىزدا نيۋ يوركتەگى ءبىر كورمەگە قويىلعان بۇل سۋرەت ءبىراز داۋ-داماي جانە پىكىرتالاس تۋدىرعان ەكەن. سۋرەتتىڭ اتى «پەكين 2008». 

بۇل سۋرەت نە تۋرالى؟ 

سۋرەتتە قىتايلاردىڭ مادجونگ ويىنىن ويناپ وتىرعان قىزدار بەينەلەنگەن. تەرەڭ ماعىنا بار بۇل سۋرەتتە.

ارقاسىندا تاتۋ بار قىز — قىتاي.

ۇستىندە كيىمى بار، قولىن جەلكەسىنە قويىپ، ويلانىپ وتىرعان قىز — اقش.

جاتقان قىز — رەسەي.

ويىنعا بەرىلىپ كەتكەن جالاڭاش قىز — جاپونيا.

ال ويىنشىلارعا قاراپ، قولىنا جەمىس تاباعىن ۇستاعان قىز — تايۆان.

قىتاي قىز «شىعىس سامالى» اتتى كومبيناتسيا شىعارىپتى (3 بىردەي تاس). ەكى ماعىناسى بار: قىتاي ەكونوميكاسى شىعىس سامالىن جاقسى قولدانۋدا، سونداي-اق ول قىتايلىق راكەتانىڭ دا اتى. بىلاي قاراساڭ كومبيناتسيا جاقسى سياقتى بولعانىمەن، بۇدان كەيىنگى تاستاردىڭ قالاي شىعاتىنى بەلگىسىز. جانە قىتاي قىز باسقالارعا كورسەتپەي 2 تاس ۇرلاپ وتىر. ءبىر ويى بار.

اقش قىز ءبارىن ءتۇسىنىپ، قاراپ وتىرعان سياقتى، ناقتى جوسپارلارى بار. جانە تايۆان قىزعا دا قاراپ وتىر، ءبىر كوزىن قىسىپ ءبىر نارسە مەڭزەپ تۇرعان دا سياقتى.

رەسەي ەش قىزىعۋشىلىقسىز جاتقان سياقتى. بىراق نەگىزىندە ولاي ەمەس، ءبىر اياعى اقش-تىڭ تىزەسىن باسىپ جاتىر، ءبىر قولىمەن قىتايعا تاس ۇرلاپ بەردى. ورتاق ءبىر ويلارى بار.

جاپون قىز ويىنعا بەرىلگەن، باسقالاردا شارۋاسى جوق. تەك ءوز "قولىن" قاراۋدا.

تايۆان قىزىل ۇلتتىق كيىم كيگەن. مۇمكىن ول قىتاي مادەنيەتىن جالعاستىرۋشى بولعاندىعىنان با ەكەن؟ ءبىر قولىندا جەمىس تاباعى، ءبىر قولىندا پىشاق. ول قىتايعا سۋىق، جامان كوزقاراسپەن قاراپ تۇر. بىراق ويىنعا قوسىلا المايدى، قولىنان كەلەتىنى جەڭىمپازعا جەمىس تازارتىپ بەرۋ.

تەرەزەنىڭ ار جاعىندا وزەن جاعاسى جانە قولايسىز اۋا رايى كورىنەدى. ۇلكەن جەل كوتەرىلىپ، ءبىر اپات بولاتىنداي.

بولمەدەگى پورترەت تە قىزىق. سۋن ياتسەننىڭ مۇرتى، چان كايشي سياقتى جىلتىر باس، بەت-الپەتى ماو تسزەدۋنگە ۇقسايدى.

قىزداردىڭ كيىمدەرىنە كەلەيىك.

قىتايدىڭ ءۇستى جالاڭاش، بۇتىندا ءىش كيىم جانە يۋبكا.

اقش حالات جانە ىشكويلەك كيگەن، بىراق بەلدەن تومەن جالاڭاش.

رەسەي تەك لىپامەن قالعان.

جاپونيا تولىعىمەن جالاڭاش.

ءبىر قاراعاندا اقش ەڭ كۇشتىسى سياقتى بولىپ كورىنەدى، كيىمى دە بار ۇستىندە. باسقالارى جالاڭاش. بىراق اقش كىندىكتەن تومەن جالاڭاش. رەسەي مەن قىتاي جالاڭاش بولىپ كورىنگەنمەن،  ۋەرتتەرى جابىق. 

بۇل ويىندى "ۇتىلعان شەشىنەدى" ويىنى دەپ قارايتىن بولساق:

وسى راۋندتى قىتاي ۇتىلسا، رەسەيدىڭ جاعدايىنا جەتەدى (كسرو قۇلاعان كەزدەگىدەي).

ەگەر اقش ۇتىلسا، ول دا رەسەيدىڭ جاعدايىنا جاقىندايدى.

رەسەي ۇتىلسا، ەشتەڭەسىز قالادى.

جاپونيادا ەشتەڭە قالعان دا جوق. ەندى ۇتىلسا، ويىننان شىعادى.

قورتىندىلايىق:

اقش جاقسى قىز بولىپ كورىنگىسى كەلەدى، بىراق ەندى ۇتىلسا، قۇريدى. بارلىق جاقتان قاۋىپ بار وعان. رەسەي ەكى جاقپەن دە كەلىسىپ، ويناپ وتىرعانداي. ەڭ زالىمى، ەڭ قاۋىپتىسى وسى. باسقالارمەن تاس اۋىستىرىپ ويناپ وتىر. قىتايدا قانداي تاستار بار ەكەنىن كورە الماي وتىرمىز. قانشا تاسى بار ەكەنى دە بەلگىسىز. ۇستەل استىندا رەسەيمەن تاس اۋىستىرىپ وتىر. اقش ەشتەڭە كورە الماي، رەسەي مەن قىتاي ءوزارا كەلىسىپ ويناپ وتىرعاندارىن ويلاعاننان باسقاعا شاراسىز سياقتى. جاپونيا ءالى دە ويىندا، ۇتىلسا، ويىننان امال جوق شىعادى. تەك تۇسىنىكسىزى قىتاي عانا. نە ويلاپ وتىرعانىن ەشكىم بىلمەيدى. تايۆان ءبارىن كورىپ، ءتۇسىنىپ وتىر. بىراق ەشتەڭە ىستەي المايدى. ويىنعا قاتىسۋعا مارتەبەسى جەتپەيدى ءالى.

بۇل ويىندى قىتاي نەمەسە اقش جەڭەتىنى انىق. بىراق اقش-تا كۇش كوپ بولعانىمەن ول پوكەر ەمەس، قىتاي ويىنى مادجونگتى ويناپ وتىر جانە قىتايدىڭ ەرەجەسىمەن…

دەرەككوزى: kerekinfo.kz

Abai.kz