بۇل نىسان تاۋەلسىزدىكتىڭ 25 جىلدىق مەرەيتويى قارساڭىندا دا ەلگە تاماشا تارتۋ بولدى. «ناۋقاستارعا ارنالعان دەنساۋلىق مەكتەپتەرىن كوبەيتۋ – ساپاعا قول جەتكىزۋ جولىنداعى دارىگەر مەن ناۋقاستىڭ ارىپتەستىگىن، كورسەتىلەتىن مەديتسينالىق كومەكتىڭ تيىمدىلىگىن قامتاماسىز ەتۋگە مول مۇمكىندىك بەرەدى» - دەيدى جەرگىلىكتى ماماندار.

وبلىس دەڭگەيىندە العاش رەت اشىلعان بۇل ورتالىق تۇرعىندارعا 9 باعىت بويىنشا تەگىن قىزمەت كورسەتەدى. مۇندا جاس انالارعا نارەستە قۇرساققا بىتكەن ساتتەن باستاپ، قانداي كۇتىم جاساۋ كەرەكتىگىن، سونداي-اق، زەينەتتىك دەمالىسقا شىققان قارتتاردىڭ سالاۋاتتى ءومىر سالتىن ۇستانىپ، ءوز دەنساۋلىقتارىن تۇراقتى قاداعالاپ وتىرۋىنا بار مۇمكىندىك جاسالعان.

جانار وسپانوۆا، شاردارا اۋداندىق ەمحاناسىنىڭ باس دارىگەرى;

شاردارا اۋداندىق ەمحاناسىنا قاراستى «دەنساۋلىق مەكتەبىنىڭ» اشىلۋنىڭ نەگىزگى ماقساتى – اۋدان حالقىنىڭ، تۇرعىنداردىڭ مەديتسينالىق ساۋاتتىلىعىن جوعارىلاتۋ جانە مەكەمەارالىق، سەكتور ارالىق جۇمىستاردىڭ ساپاسىن جاقسارتۋ ارقىلى الەۋمەتتىك، قوعامدىق جانە مەملەكەتتىك بىرلەسە وتىرىپ، ءبىزدىڭ حالقىمىزدىڭ اماندىعىن جانە ءومىر ءسۇرۋ جاسىن ۇزارتۋ بولىپ تابىلادى.

جاڭا ورتالىقتىڭ مەديتسينالىق كومەگىنە العاش سۇيەنگەندەردىڭ ءبىرى – تۇرسىنباي سەيدازيموۆ. سوڭعى 5 جىلدا جۇرەك دەرتىنە شالدىققان قاريانىڭ بارماعان جەرى، باسپاعان تاۋى جوق. وسى مەكتەپكە كەلگەلى كوڭىلى كوتەرىلىپ، اۋرۋ-سىرقاتىنان پسيحولوگيالىق تۇردە ارىلا باستاعانداي.  قيمىل-قوزعالىسى دا شيراي تۇسكەن.

تۇرسىنباي سەيدازيموۆ، شاردارا اۋدانىنىڭ تۇرعىنى;

رەگۋليارنو كەلىپ، كونسۋلتاتسيا الامىن. دارىگەرلەرگە العىسىمدى ايتقىم كەلەدى. دەنساۋلىعىم جامان ەمەس، ايتەۋىر كۇتىنىپ، ۋاقىتىلى بەرىلگەن ءدارى-دارمەكتەرىن قولدانىپ، ايتقان رەجيمدەرىن بىرگە ورىنداپ كەلە جاتىرمىن.

دەنساۋلىق مەكتەبىنىڭ سالتاناتتى اشىلۋ راسىمىنە قاتىسقاندار باستاما جەتەكشىلەرىنە ايرىقشا العىس جاۋدىردى. «سالاماتتى قازاقستان» مەملەكەتتىك باعدارلاماسى اياسىندا حالىققا كورسەتىلەتىن ءدال وسىنداي سانيتارلىق-مەديتسينالىق كومەكتىڭ كۇن ساناپ جەتىلە تۇسەتىنىنە سەنىم نىعايتتى.

Abai.kz