اۋلا سىپىرۋشىلار ءوز قۇقىقتارىن كەتپەن جانە كۇرەكپەن قورعاپ شىقتى
ازاتتىق راديوسىنىڭ حابارلاۋىنشا، وتكەن سەنبى كۇنى تاڭەرتەڭ سامارقان وبلىستىق اكىمشىلىگى عيماراتىنىڭ الدىندا ەلۋ شاقتى اۋلۋ سىپىرۋشى نارازىلىق اكتسياسىن وتكىزگەن. ولار جالاقىنىڭ تەز ارادا تولەنۋىن، ال ونى كەشىكتىرگەن شەنەۋنىكتىڭ جۇمىستان قۋىلۋىن تالاپ ەتكەن.
اۋلا تازالاۋشىلار سامارقان وبلىسىنىڭ اكىمىمەن جولىقتىرۋدى سۇرادى. جۇمىسشىلار مامىر، ماۋسىم جانە شىلدە ايلارىنىڭ جالاقىسىن ءالى الماعان بولىپ شىقتى.
كۋاگەرلەردىڭ ايتۋلارىنشا، ابدەن اشىنعان اۋلا سىپىرۋشىلاردى تاراتۋعا كەلگەن 20 شاقتى ميليتسيا قىزمەتكەرىنە قارسى ولار كەتپەن مەن كۇرەك ۇستاپ شىققان.
سول كۇنى كەشكىسىن جۇمىسشىلار مامىر جانە ماۋسىم ايلارىنىڭ جالاقىسىن الدى، ال شىلدەنىڭ ايلىعىن ءبىر اپتا كولەمىندە تولەۋگە ۋادە بەرگەن. نارازىلىق اكتسياسى وتكەن كۇنى سامارقان اكىمى قالانىڭ ساۋلەتتەندىرۋ دەپارتامەنتىنىڭ باسشىسىن جۇمىستان شىعارعان.
اباي-اقپارات
