قىرعىزستان رەسەيدىڭ ورنىنا جاڭا ينۆەستورلار ىزدەستىرەدى
2016 جىلدىڭ 8 تامىزىندا "قامباراتا-1" جانە جوعارعى نارىن كاسكادى گەس-نىڭ قۇرىلىسىنا قاتىستى رەسەيمەن اراداعى ۇكىمەتارالىق كەلىسىمنىڭ كۇشىن جويۋ مەرزىمى اياقتالدى. بۇل تۋرالى قىرعىزستاننىڭ ەكونوميكا مينيسترلىگى حابارلادى.
مينيسترلىك ءباسپاسوز قىزمەتىنىڭ مالىمەتى بويىنشا، اتالعان جوبالاردى جۇزەگە اسىرۋ ءۇشىن، قىرعىزستان جاڭا ينۆەستورلاردى ءوز بەتىمەن ىزدەۋگە كىرىسەدى.
ەسكە سالساق، 2016 جىلى قاڭتاردىڭ باسىندا قىرعىزستان "قامباراتا-1" جانە جوعارعى نارىن كاسكادى گەس-ءى جونىندەگى رەسەيمەن اراداعى كەلىسىمنىڭ كۇشىن جويدى.
بۇنى قىرعىز ۇكىمەتى رەسەيدىڭ داعدارىس سالدارىنان جاقىن ۋاقىتتا قىرعىزستاندا گەس سالا المايتىندىعىمەن ءتۇسىندىردى.
اباي-اقپارات
