مەملەكەتتىك ءبىلىم گرانتى يەگەرلەرىنىڭ ءتىزىمى جاريالاندى", - دەپ حابارلايدى Abai.kz پورتالى "كازاحستانسكايا پراۆدا" گازەتىنە سىلتەمە جاساپ.

بيىل جالپى 31 مىڭ 702 گرانت ءبولىنىپتى. ونىڭ 2950 ورنى جوعارى وقۋ ورىندارىنىڭ دايىندىق بولىمدەرىنە ءبىلىم الۋعا، 28 752 گرانتتىڭ ءبىرىنشى كۋرسقا قابىلداۋعا بولىنگەن (كۇندىزگى وقۋ - 28 452, سىرتتاي وقۋ - 300 گرانت). تەحنيكالىق جانە تەحنولوگيالىق ماماندىقتارعا 12 593 گرانت بولىنگەن، پەداگوگيكالىق ماماندىقتارعا شامامەن 5 مىڭ گرانت بولىنگەن، اۋىل شارۋاشىلىعى جانە مال دارىگەرلىك ماماندىقتارىنا شامامەن 2 690 گرانت، مەديتسينالىق ماماندىقتارعا 3 مىڭ گرانت بولىنگەن. 

مەملەكەتتىك گرانت يەگەرلەرىنىڭ تىزىمىمەن تانىسۋ ءۇشىن سىلتەمەنى باسىڭىز!

ءبىلىم گرانتتارىن ۇلەستىرۋ كونكۋرسىنا جالپى 59 677 ادام قاتىستى. ولاردىڭ 47 342-ءسى قازاق تىلىندە ءبىلىم الاتىندار، ال 12 335-ءى ورىس تىلىندە ءبىلىم الاتىندار. ستۋدەنتتەردى "ماڭگىلىك ەل جاستارى - يندۋسترياعا!" جوباسىنىڭ اياسىندا كۆوتا بويىنشا كونكۋرسقا 9 797 ادام قاتىستى.

كونكۋرسقا قاتىسۋشىلاردىڭ ىشىندە 2208 تۇلەك "التىن بەلگى" يەگەرى، 303-ءى كوللەدج تۇلەگى، ال جالپى ءبىلىم بەرۋ پاندەرىنەن حالىقارالىق جانە رەسپۋبليكالىق وليمپيادالاردىڭ جەڭىمپازدارىنىڭ سانى - 169, جالپى ءبىلىم بەرۋ پاندەرى بويىنشا حالىقارالىق جانە رەسپۋبليكالىق عىلىمي جارىستاردىڭ جەڭىمپازدارىنىڭ سانى - 854, رەسپۋبليكالىق جانە حالىقارالىق سپورت جارىستارىنىڭ جەڭىمپازدارىنىڭ سانى - 948, پرەزيدەنت وليمپيادالارىنىڭ 9 جەڭىمپازى بار.