سوتتالۋشىلاردىڭ تۋىستارى 8 تامىزدا ازاتتىق راديوسىنا روگۋندىقتاردىڭ كەيبىرىن سوت تاجىكستان قىلمىستىق كودەكسىنىڭ 307 بابى بويىنشا "كونستيتۋتسيالىق جۇيەنى كۇشپەن وزگەرتۋگە ۇگىتتەۋ" فاكتىسىمەن سوتتاعانىن ايتتى.

سوتتالۋشى رادجابمۋرود رادجابوۆتىڭ باۋىرى ابدۋللو رادجابوۆتىڭ ايتۋىنشا، ونىڭ ءىنىسىن بەس جىلعا تۇرمەگە وتىرعىزعان. بىراق "سوت ونىڭ جانە باسقالارىنىڭ كىناسىن تولىق دالەلدەي العان جوق" دەپ ەسەپتەيدى ول. ونىڭ ايتۋىنشا، قىلمىستىق ىستە رادجابمۋرودوۆ 2009 جىلى ساقالىن سالافشىلار سياقتى وسىرگەن دەپ كورسەتىلگەن. "2009 جىلى مەنىڭ باۋىرىم التىنشى سىنىپتا وقيتىن. ادىلدىك قايدا؟ جاس بالادا ساقال ءوسىپ ۇلگەرمەيتىنىن ءبارى بىلەدى", - دەدى ابدۋللو رادجابوۆ.

دۋشانبە سوتى روگۋن تۇرعىندارىنا قاتىستى شەشىمدەرى تۋرالى ەشقانداي پىكىر بىلدىرگەن جوق. سوتتالۋشىلاردىڭ تۋىستارىنىڭ مالىمەتى بويىنشا، شۋحرات فاتحيددينوۆ 10 جىلعا باس بوستاندىعىنان ايرىلعان، فايزيددين سايدوۆ (دارىگەر) جانە يليشەر شامسيددينوۆ 3 جارىم جىلعا، ال قالعاندارى 5-تەن 5 جارىم جىلعا دەيىن مەرزىمگە سوتتالدى. سوتتالۋشىلار 20-دان 35 جاسقا دەيىنگىلەر.

ولاردىڭ بارلىعى ناۋرىز ايىندا ۇستالدى. سول كەزدە تاجىكستان مينيسترلىگى روگۋن قالاسىنىڭ بىرقاتار تۇرعىنى ەكسترەميستىك توپقا قاتىسى بار دەگەن كۇدىكپەن ۇستالعانى تۋرالى حابار تاراتقان ەدى.

اباي-اقپارات