بوكس ءتۋرنيرىنىڭ 1/16 فينالدىق كەزەڭىندە  جانىبەك ءالىمحانۇلى (75 كگ) ۇلىبريتانيالىق ەنتوني فوۋلەردى ايقىن باسىمدىقپەن جەڭىپ، 1/8 فينالعا قادام باستى.

جەكپە-جەكتە جانىبەك تاجىريبەلى قارسىلاسىن سوققىنىڭ استىنا الدى. ناتيجەسىندە تورەشىلەر جەڭىستى ءبىر اۋىزدان قازاقستاندىق بوكسشىعا بەردى. ءسويتىپ ريودا جانىبەكتىڭ جەڭىستى جولى باستالدى.

ال، 91 كگ سالماق دارەجەسىندەگى قازاقستاندىق ۆاسيلي لەۆيت قىتايلىق فەنگكاي يۋمەن كەزدەسىپ، 2-راۋندتا ايقىن باسىمدىقپەن جەڭىسكە جەتتى.

ۇرىس ءۆاسيليدىڭ ايقىن باسىمدىلىعىمەن ءوتتى. ونىڭ قاتتى سوققىلارى قارسىلاسىن قايتا-قايتا تەڭسەلتۋمەن بولدى. ەكىنشى راۋندتا قىتايلىق سپورتشى نوكداۋنعا دا ءتۇسىپ قالدى. ال قاپتالداعى تورەشىلەر سول كەزدە ەسەپتى 20:17 ەسەبىمەن قازاقستاندىقتىڭ پايداسىنا شەشىپ تۇردى. ونىڭ قاتتى باسىم ەكەنىن بايقاعان قارسىلاس جاقتىڭ جاتتىقتىرۋشىلار شتابى اقىرى ورتاعا اق سۇلگى تاستادى.

ەندى ۆاسيلي لەۆيت كەلەسى جۇپتاعى چوۋايب بوۋلوۋدينات (الجير) – كەننەدي ست پيەررە ەكەۋىنىڭ قاي جەڭگەنىمەن شيرەك فينالدا كەزدەسەدى.

49 كگ سالماقتاعى ءبىرجان جاقىپوۆ ناميبيالىق ماتياس حامۋنيەلامەن كەزدەسىپ، 3:0 ەسەبىمەن ۇتتى.

شايقاس تارتىستى ءوتتى. بىراق ونىڭ ءاربىر راۋندىندا الەم چەمپيونى، تاجىريبەلى ءبىرجاننىڭ باسىمدىلىعى ايقىن ءبىلىنىپ تۇردى. مۇنىڭ الدىندا ازەربايجان رۋفات گۋسەينوۆتى جارىس جولىنان شىعارىپ تاستاعان افريكالىق بوكسشى  قانشاما رەت شابۋىلعا شىققانىمەن، سوققىلارى ءدوپ بىرجانعا دارىمادى.  

ەندى ءبىرجان جاقىپوۆ وسىنىڭ الدىندا مەكسيكالىق يوسەليتو ۆەلاسكۋەستى 3:0 ەتىپ ۇتقان ءوزىنىڭ ەجەلگى قارسىلاسى، وزبەك حاسانباي دۋسماتوۆپەن كەزدەسەدى.  

اباي-اقپارات