وڭتۇستىكقازاقستاندىق دەلەگاتسيانىڭ اۋسترياعا ءىس-ساپارى اياسىندا كارينتيا فەدەرالدى ايماعى ۇكىمەتىنىڭ باسشىسى پيتەر كايزەر وقو اكىمىنىڭ ءبىرىنشى ورىنباسارى دارحان ساتىبالدىنى قابىلدادى. تاراپتار نەگىزىنەن بالامالى ەنەرگيا كوزدەرى جانە تۋريزم سالالارىن دامىتۋ ماسەلەلەرىن تالقىلادى، سونداي-اق، قۇرىلىس جانە اۋىل شارۋاشىلىعى تاقىرىپتارى دا كۇن تارتىبىنەن تىس قالعان جوق. بۇل تۋرالى وقو اكىمىنىڭ ءباسپاسوز قىزمەتى حابارلايدى.

بۇل رەتتە، كارينتيا ۇكىمەتىنىڭ ۇلكەن جوسپارىن ايتا كەتكەن ءجون. ماسەلەن، ايماق باسشىلارى 2035 جىلعا دەيىن ءداستۇرلى ەنەرگيا كوزدەرىنەن باس تارتىپ، تولىق «جاسىل» ەنەرگيا كوزدەرىنە ءوتۋدى كوزدەۋدە.

باس قوسۋ سوڭىندا تاراپتار ءوزارا ساۋدا-ەكونوميكالىق ىنتىماقتاستىقتى دامىتۋعا مۇددەلى ەكەنىن جەتكىزدى. وقو اكىمىنىڭ ءبىرىنشى ورىنباسارى د.ساتىبالدى پيتەر كايزەر مىرزاعا ەكى-جاقتى ىنتىماقتاستىقتى دامىتۋ بويىنشا مەموراندۋم تۇزۋگە نيەتتى ەكەنىن جەتكىزسە، كارينتيا باسشىسى، ءوز كەزەگىندە، اتالعان قۇجاتتىڭ ءتيىستى زاڭنامالىق پروتسەدۋرالارىن جاقىن ارادا وتكىزىپ، بەكىتۋگە جىبەرەتىنىنە ءسوز بەردى. سونداي-اق، پ.كايزەر مىرزا وقو اكىمى ب.اتامقۇلوۆتى فەلدەن قالاسىندا 29 قىركۇيەكتە وتەتىن حالىقارالىق ەكونوميكالىق فورۋمنىڭ قۇرمەتتى قوناعى بولۋعا شاقىردى. 

ەستەرىڭىزگە سالا كەتسەك، وقو دەلەگاتسياسىنىڭ اۋسترياعا ءىس-ساپارى وسى جىلدىڭ 1 تامىزىندا باستالدى. وسى ۋاقىت ارالىعىندا، دەلەگاتسيا كارينتيا جانە شتيريا فەدەرالدى ايماقتارىنىڭ ونەركاسىپ، تۋريزم جانە الەۋمەتتىك نىساندارىن ارالادى. سونىمەن قاتار، وبلىستىڭ ينۆەستيتسيالىق جانە تۋريستىك مۇمكىندىكتەرىن دامىتۋ ماقساتىندا اتالعان وڭىرلەردىڭ الەۋەتتى ينۆەستورلارى جانە ساياسي بەلسەندىلەرىمەن كەزدەستى.

بۇدان بولەك، اۋستريادا «وڭتۇستىك» كوركەم سۋرەت كورمەسى وتكىزىلدى. سونداي-اق، «Villacherkirchtag» فەستيۆالى شەڭبەرىندە وقو ونەر مايتالماندارى اۋستريالىق كورەرمەن نازارىنا قازاقتىڭ مادەني قۇندىلىقتارىن پاش ەتۋدە.

Abai.kz