شىمكەنت قالاسى اكىمدىگىندە كەرى بايلانىس قىزمەتى جولعا قويىلۋىنىڭ ناتيجەسىندە ارنايى ۇيالى تەلەفونداعى «Whatsapp» قىزمەتى، قالا اكىمدىگىنىڭ رەسمي سايتىنداعى ۆيرتۋالدى قابىلداۋ ءبولىمى، «Instagram-Direct» قىزمەتى بويىنشا قالا تۇرعىندارىنىڭ ءوتىنىش-سۇراقتارىنا جاۋاپ بەرىلىپ كەلەدى. 

اۋەلى، قالا اكىمدىگىنىڭ باستاماسىن جۇزەگە اسىپ وتىرعان ۇيالى تەلەفونداعى «Whatsapp» باعدارلاماسى بويىنشا 6 اي ىشىندە 1665 ءوتىنىش كەلىپ تۇسكەن. ونىڭ 1588-نە جاۋاپ قايتارىلدى جانە 35 قارالۋ ۇستىندە، سونىمەن قاتار 42 ءوتىنىش قاراستىرىلمادى. 

ال، شىمكەنت قالاسى اكىمدىگىنىڭ www.shymkent.gov.kz رەسمي سايتىنىڭ ۆيرتۋالدى قابىلداۋ بولىمىنە 181 ءوتىنىش كەلىپ ءتۇستى. ونىڭ 169 دەر كەزىندە جاۋاپ بەرىلىپ، 12 ءوتىنىش قارالۋ ۇستىندە. سونداي-اق رەسمي سايتتىڭ info@shymkent.gov.kz ەلەكتروندى پوچتاسىنا جىل باسىنان 203 حات كەلىپ تۇسكەن. ونىڭ 176 حاتىنا دەر كەزىندە جاۋاپ بەرىلىپ، 9 حات قارالۋ ۇستىندە. ال، 18 حات شىمكەنت قالاسىنا قاتىستى بولماعاندىقتان قاراۋسىز قالدىرىلدى.

ايتا كەتەرلىگى، قالا اكىمىنىڭ تىكەلەي تاپسىرماسىمەن قولعا الىنعان «Instagram-Direct» قىزمەتى بويىنشا كۇن سايىن تۇرعىنداردىڭ وتىنىشتەرىنە ۋاقىتىلى جاۋاپ قايتارىلۋدا. ماسەلەن، Instagram الەۋمەتتىك جۇيەسىندەگى @akimat.shymkent پاراقشاسىنىڭ «Direct» قىزمەتىنە ۇستىمىزدەگى جىلدىڭ 19-شى مامىرىنان بەرى (ينستاگرامنىڭ جۇمىس ىستەي باستاعان ۋاقىتى) 300-دەن اسا ءوتىنىش كەلىپ تۇسكەن. ونىڭ 90 پايىزى قالانى اباتتاندىرۋ جانە كوممۋنالدىق شارۋاشىلىعىنا قاتىستى سۇراقتار بولىپ تابىلادى.

Abai.kz