وبلىس باسشىسى ب.اتامقۇلوۆ سارىاعاش اۋدانىنداعى "نۇرلى جول" باعدارلاماسى بويىنشا قۇرىلىسى ءجۇرىپ جاتقان قۇركەلەس اۋىلدىق وكرۋگى داستان ەلدى مەكەنىندەگى 300 ورىندىق № 136 مەكتەپتىڭ قۇرىلىسىمەن تانىستى.

اتالعان نىساندى "ليدەر-نك" جشس جۇرگىزۋدە. زاماناۋي ءبىلىم وشاعىن سالۋعا ۇلتتىق قوردان 1,6 ملرد تەڭگە بولىنگەن. 2015 جىلى ماۋسىم ايىندا باستالعان قۇرىلىس جۇمىستارى بيىلعى جىلى تامىز ايىندا اياقتالادى دەپ كۇتىلۋدە.

وقو اكىمى اۋدانعا جاساعان جۇمىس ساپارى كەزىندە قالانىڭ ءىشى ارقىلى وتەتىن "رامادان" كانالىنىڭ كۇردەلى جوندەۋ جۇمىسىمەن تانىستى. ايتا كەتۋ كەرەك اتالعان كانال العاش رەت 1909 جىلى پايدالانۋعا بەرىلگەن. سودان بەرى جوندەۋ جۇمىسىن كورمەگەن نىساننىڭ جالپى ۇزىندىعى 19,0 شاقىرىم.

ماڭىزدى ارىق سارىاعاش اۋدانىنىڭ 2500-گە جۋىق گەكتار سۋارمالى جەرلەرن تىرشىلىك كوزىمەن قامتاماسىز ەتەدى. قايتا قالپىنا كەلتىرۋ ءۇشىن وبلىس قازىناسىنان 900 ملن. تەڭگە قارالعان.

اتالعان سومماعا 2015 جىلى 12,6 شاقىرىمى جوندەلسە، بيىلعى جىلى 6,3 شاقىرىمى بەتوندالىپ جۇيەلەندى. قۇرىلىس جۇمىستارىمەن تانىسقان ءوڭىر باسشىسى جەرگىلىكتى اكىمدىك پەن مەردىگەرگە قۇرىلىستىڭ ساپالى بولۋىن جانە كانالدىڭ اينالاسىن ءتيىستى دەڭگەيدە اباتتاندىرۋدى تاپسىردى.

دەرەككوزى: وقو اكىمىنىڭ ءباسپاسوز قىزمەتى 

Abai.kz