ءوڭىر باسشىسى ب.اتامقۇلوۆ قر ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ توراعاسى م.پىشەمباەۆپەن كەزدەستى. بۇل تۋرالى وقو اكىمىنىڭ ءباسپاسوز قىزمەتى حابارلايدى.

باسقوسۋدا ۆەدومستۆا جەتەكشىسى «باتىس ەۋروپا – باتىس قىتاي» اۆتوجولى مەن «جىبەك جولى» شەكارا وتكەلى، شاقپاق اتا توننەلىنىڭ قۇرىلىس ۋچاسكەلەرىندەگى جۇمىستاردىڭ بارىسىن بايانداپ، تورتكۇل، ءشاۋىلدىر، ارىستانباب جانە اباي اۋىلى (سارىاعاش اۋدانى) ۋچاسكەلەرىندەگى جوندەۋ جۇمىستارى جايلى ايتتى. 

2017 جىلدىڭ ەكىنشى توقسانىندا وڭتۇستىك قازاقستان مەن جامبىل وبلىستارىنىڭ شەكاراسىنداعى توننەل مەن «جىبەك جولى» شەكارا وتكەلى بويىنداعى اۆتوماگيسترال جولايرىعىنىڭ قۇرىلىسىن اياقتاۋ جوسپارلانۋدا. 

ءوز كەزەگىندە، وبلىس اكىمى ماقتارال اۋدانىنىڭ دامۋى ءۇشىن ماڭىزدى جول بولىپ تابىلاتىن سارىاعاش – قىزىل اسكەر (72 شق) تاس جولىنىڭ قۇرىلىسى تۋرالى ايتىپ، وعان الداعى 2 جىل كولەمىندە باسىمدىق بەرىلەتىنىن جەتكىزدى. 

ايماق باسشىسىنىڭ باستى نازارىنداعى كەزەكتى جوبا شىمكەنت قالاسىنىڭ ورامدى اينالما جولى بولىپ تابىلادى. سونىمەن قاتار، وبلىس اكىمى ءوڭىردىڭ زيارات ەتۋ ءتۋريزمىن دامىتۋعا ۇلكەن ۇلەسى بار ارىستانباب – تۇركىستان ۋچاسكەسىن كۇردەلى جوندەۋدەن وتكىزۋ قاجەتتىگىن اتاپ ءوتتى. 

سونداي-اق، اڭگىمە بارىسىندا زاماناۋي جول بويىنداعى قىزمەت كورسەتۋدى دامىتۋدىڭ ماسەلەلەرى قوزعالدى.

Abai.kz