اۋدان اكىمى ب.كوشەربايدىڭ توراعالىعىمەن كەڭەيتىلگەن اكىمدىك ءماجىلىسى ءوتتى. بۇل تۋرالى «Abai.kz» پورتالى بايدىبەك اۋدانى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

اۋدان اكىمىنىڭ قاتىسۋىمەن وتكەن ءماجىلىستىڭ كۇن تارتىبىندە اۋداندى اۋىز سۋمەن جابدىقتاۋ جانە سۋ بۇرۋ جۇيەلەرىمەن قامتاماسىز ەتۋ بارىسى تۋرالى، اۋدانداعى اۋىل شارۋاشىلىعى ماقساتىنداعى جەرلەردى تۇگەندەۋ، سيگمەنتاتسيالانعان جەرلەردى قالپىنا كەلتىرۋ جۇمىستارى،  جەر قويناۋىن پايدالانۋ سالاسىن رەتتەۋ جۇمىستارىنىڭ بارىسى تۋرالى،  جالپى ءبىلىم بەرەتىن مەكتەپتەردىڭ 2015-2016 وقۋ جىلى بويىنشا ءبىلىم ساپاسىنىڭ قورىتىندىسى جانە جاڭا وقۋ جىلىنا دايىندىق بارىسى، «قازاقستان رەسپۋبليكاسى تىلدەردى دامىتۋ مەن قولداۋدىڭ 2011-2020 جىلدارعا ارنالعان مەملەكەتتىك باعدارلاماسىن» ىسكە اسىرۋ جونىندەگى اۋداننىڭ 2014-2016 جىلدارعا ارنالعان ءىس-شارالار جوسپارىنىڭ ورىندالۋ بارىسى تۋرالى ءتيىستى ءبولىم باسشىلارى بايانداما جاسادى.

اتالعان رەسۋرستىڭ جازۋىنشا، تالقىلاۋعا ۇسىنىلعان ماسەلەلەر بويىنشا قورىتىندى ءسوز سويلەگەن بايدىبەك اۋدانى باسشىسى ب.كوشەرباي ورىندالعان جۇمىستارمەن قاتار، كوپتەگەن كەمشىلىكتەرگە جول بەرىلىپ وتىرعاندىعىنا ءتيىستى سالا باسشىلىرىنىڭ نازارىن اۋدارتىپ، ءاربىر بەلگىلەنگەن مىندەتتەردى مەرزىمىندە ىسكە اسىرۋ جونىندە قاتاڭ تالاپتار قويدى.

Abai.kz