وڭتۇستىك قازاقستان وبلىستىق وپەرا جانە بالەت تەاترى «قىز-جىبەك» وپەراسىن ۇسىنادى. قويىلىم 10-11 تامىز كۇندەرى تەاتردىڭ ءىح تەاتر ماۋسىمىنىڭ اشىلۋىنا جانە قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالىپ وتىر.

قازاقتىڭ ۇلتتىق وپەراسىنىڭ دامي باستاۋى وسىناۋ ە.برۋسيلوۆسكيدىڭ ۇلتتىق ونەرىمىزدىڭ التىن قورىنا ەنگەن، 2 اكتىلى، 4 كورىنىستى «قىز-جىبەك» وپەراسىنان باستالادى. ۇلتتىق ناقىشتاعى ايگىلى كلاسسيكالىق تۋىندى ساحناعا العاش رەت 1934 جىلى قانات قاقتى. اسا بيىك تالعاممەن جازىلعان وپەرانىڭ ءمان-مازمۇنى دا، مۋزىكالىق ادەبي كوركەمدىگى دە، ساحناعا قويىلۋى دا ءبىر-بىرىمەن ۇندەسىپ، قۇدىرەتتى تۋىندىنى قۇرادى. سول قۇندىلىعىن ءالى كۇنگە دەيىن جويعان جوق. ع.مۇسىرەپوۆتىڭ «قىز-جىبەك» وپەراسىنىڭ نەگىزىندە ءحىV-XVI عاسىرلارداعى ماحاببات پەن ادالدىق جايلى داستان الىنعان.

اتالمىش سپەكتاكل بۇگىنگى تاڭدا رەسپۋبليكا تەاترلارىندا قويىلىپ جۇرگەن «قىز-جىبەك» وپەرا نۇسقالارىنان مۇلدە بولەك قويىلىم. وپەرالىق قويىلىمدا جەسىر قالعان قىز جىبەك ارادا سەگىز جىلدان سوڭ امەڭگەرلىك جولمەن تولەگەننىڭ ءىنىسى سانسىزبايعا تۇرمىسقا شىعىپ، سپەكتاكل ەپوستا جىرلانعانداي، مەرەكەلىك توي دۋمانعا جالعاسادى.

قويىلىمنىڭ قويۋشى-رەجيسسەرى — اسقار التىنبەكوۆ، قويۋشى ديريجەرى – ابزال مۋحيتدينوۆا، رەجيسسەرى – قايرات قۇلىنشاقوۆ، رەجيسسەردىڭ اسسيستەنتى – شىڭعىس ايداربەكوۆ، باس ديريجەرى – قۋانىش يسمايلوۆ، قويۋشى-سۋرەتشىسى — جومارت دۇيسەبەكوۆ، باس حورمەيستەرى – باعلان التاەۆ، باس بالەتمەيستەرى — قازاقستاننىڭ مادەنيەت قايراتكەرى ريتا حايرۋشەۆا، كوستيۋمدەر سۋرەتشىسى – سابيرا داۋلەتاليەۆا، قويىلىمنىڭ كوركەمدىك جەتەكشىسى – تەاتردىڭ كوركەمدىك جەتەكشىسى ەرلان جاندارباي.

باستى پارتيالاردى ورىنداۋشىلار: جىبەك – ءۇرالحان سەيلبەكوۆا، جۇلدىز مۋساەۆا، تولەگەن – ەرلان جاندارباي، ءمادىحان دۇيسەەۆ، بەكەجان جانە حان – مارات ورازمەتوۆ، شەگە – قايرات قۇلىنشاقوۆ، جۇمابەك قاڭتارباەۆ، ءدۇريا – گاۋحار احەتوۆا، باتسايى – مايگۇل ميكيجانوۆا، زاميرا اليمكۋلوۆا، سانسىزباي – نۇرجان جۇسىپبەكوۆ، قامقا – قارلىعا بەرديار، بازارباي – باقىتجان تۋرسۋمانوۆ جانە كوپشىلىك ساحنالاردا حور، بالەت ارتيستەرى.

Abai.kz