وقو-دا «ۇلتتىق مۋزەي سەنىڭ قالاڭدا» كوشپەلى مادەني تۋرى وتپەك. بۇل تۋرالى وقو اكىمىنىڭ ءباسپاسوز قىزمەتى حابارلايدى.

قۇرمەتتى وڭتۇستىكقازاقستاندىقتار!

سىزدەردى «ۇلتتىق مۋزەي سەنىڭ قالاڭدا» كوشپەلى مادەني تۋرىنىڭ «اشىق ەسىك» كۇنىنە شاقىرامىز. 

ەل تاۋەلسىزدىگىنىڭ 25 جىلدىعىنا وراي، قر ۇلتتىق مۋزەيىنىڭ باستاماسىمەن شىمكەنتتە ۇيىمداستىرىلىپ جاتقان كوشپەلى مادەني كورمەگە ۇلتىمىزدىڭ ەڭ قۇندى جادىگەرلەرىنىڭ بىرەگەيى – «التىن ادام» قويىلاتىن بولادى.  

اۋقىمدى تۋردىڭ باستى ەرەكشەلىگى - تەك مۋزەي تورىندە عانا تۇراتىن باعالى مۇرامەن وزگە ءوڭىر تۇرعىندارىنىڭ دا جاقىنىراق تانىسىپ، ءتۇسىنىپ، زەردەلەۋىنە جول اشۋ بولىپ تابىلادى.

وڭتۇستىك قازاقستان وبلىستىق اكىمدىگىنىڭ قولداۋىمەن وتەتىن مادەني تۋردا كەلۋشىلەردىڭ نازارىنا «ۇلتتىق مۋزەيگە ساياحات» جانە 3D گرافيكالىق بەينەروليكتەرى دە ۇسىنىلماق. 

ەلىمىزدىڭ بارلىق ايماعىن قامتۋدى ماقسات تۇتقان مادەني ساياحات بۇگىندە دەيىن رەسپۋبليكانىڭ  ورال، اقتوبە، اتىراۋ، اقتاۋ جانە قىزىلوردا وبلىستارىندا بولىپ، وتانداستارىمىزدىڭ ىقىلاسىنا بولەندى. 

ايتا كەتەيىك، كوشپەلى كورمە 6 تامىز، سەنبى كۇنى، ساعات 10:00-24:00 ارالىعىندا وتەدى. 

وتەتىن ورنى: وڭتۇستىك قازاقستان وبلىسى مادەنيەت باسقارماسىنىڭ بەينەلەۋ ونەرى مۋزەيى. شىمكەنت قالاسى، مادەلى قوجا، 2ب (اباي ساياباعى). كىرۋ تەگىن. 

Abai.kz