ماتاەۆتاردىڭ سوتى استانادا وتەدى
قازاقستان جۋرناليستەر وداعىنىڭ توراعاسى سەيىتقازى ماتاەۆ پەن «قازتاگ» اقپاراتتىق اگەنتتىگىنىڭ باس ديرەكتورى اسەت ماتاەۆتاردىڭ قىلمىستىق ءىسى بويىنشا سوت وتىرىسى استانادا وتەدى. بۇگىن استاناداعى № 2 ەسىل اۋداندىق سوتى وسىنداي شەشىم شىعاردى. «قىلمىستىق ءىس بويىنشا باستى سوت وتىرىسى استانا قالاسىنداعى № 2 ەسىل اۋداندىق سوتىنىڭ ءنومىرى 2015-ءشى سوت زالىندا 2016 جىلدىڭ 23 تامىزىندا ساعات 10.00-دە وتەدى. ايىپتالۋشىلارعا قاتىستى بۇلتارتپاۋ شاراسى ۇيقاماق كۇيىندە قالدىرىلسىن»،- دەپ حابارلادى توراعالىق ەتۋشى سۋديا اقبولات قۇرمانتاەۆ.
ماتاەۆتاردىڭ قورعاۋشىلارى سوتقا جەتى ءوتىنىش ءبىلدىردى. سونىڭ ىشىندە ايىپتالۋشىلاردى ۇيقاماقتان كەپىلگە بوساتۋدى سۇرادى. ولاردىڭ ايتۋىنشا، قىلمىسقا تارتۋ وزگەرۋى قاجەت. ء«بىز بۇل ءوتىنىشتى بىلايشا تۇسىندىرگىمىز كەلەدى. سەيىتقازى ماتاەۆ بۇگىنگە دەيىن مەملەكەت قازىناسىنا 47 ملن. تەڭگە اقشا تولەدى. وعان قوسا، ونىڭ تۋعان-تۋىستارى قوسىمشا كەپىل ەسەبىندە قۇنى 6 ملن. تەڭگەدەن اساتىن «Toyota Land Cruizer» اۆتوكولىگىن بەرۋگە دايىن. س. ماتاەۆتىڭ ۇلى اسەت ماتاەۆ 500 ايلىق ەسەپتىك كورسەتكىش كولەمىندە كەپىل بەرۋگە دايىن»،- دەپ مالىمدەدى سوتتا قورعاۋشىلار. الايدا ءبىر ساعاتقا جۋىق كەڭەسۋ بولمەسىنە كەتكەن سوت بۇل ءوتىنىشتى قاناعاتتاندىرعان جوق.
ءامىرلان ءالىمجان
اباي-اقپارات
