تەراكت. بۇرىندارى باق-تان بۇل ءسوزدى سيرەك ەستۋشى ەدىك. ەندىگى قۇلاعىمىزعا ۇيرەنشىكتى سوزگە اينالىپ كەتكەنى وتىرىك ەمەس. كۇن سايىن الەمنىڭ ءار قالاسىندا جارىلىس، اتىس-شابىس، قولدان ۇيىمداستىرىلعان اپاتتار ورىن الۋدا.

تىزبەلەپ كورسەك وسى ايدىڭ ىشىندە بانگلادەشتىڭ داككا قالاسىندا تەراكت بولىپ 28 ادام ءولدى. فرانتسيانىڭ نيتستسە قالاسىندا (80 ادام ءولدى), تۇركيانىڭ ىستامبۇل قالاسىندا (50-گە جۋىق ادام ءولدى), ىستامبۇلدا تاعى دا اتىس بولدى (10 ادام ءولدى), انكارا قالاسىنىڭ قاق ورتاسىندا اتىس بولدى (28 ادام ءولدى), انكاراداعى اۆتوبۋس پاركىندە جارىلىس بولدى (37 ادام ءولدى), گەرمانيانىڭ انسباح قالاسىندا تەراكت بولدى (12 ادام اۋىر جاراقات الدى), ميۋنحەن قالاسىندا جارىلىس بولدى (9 ادام ءولدى), فرينحايم قالاسىندا تەراكت بولدى (50-دەن استام ادام جاراقات الدى), الماتىدا تەراكت بولدى (6 ادام ءولدى), يراكتىڭ باعدات قالاسىندا تەراكت بولدى(292 ادام ءولدى) ت.س.س. ەرتەڭ تاعى ءبىر قالادى، تاعى ءبىر مەملەكەتتە تەراكت بولادى. تاڭ قالمايمىز. وسىنىڭ ارتىندا الدەكىمدەردىڭ تۇرعانى اقيقات.

قازىرگى تاڭدا بارلىق تەرروريستىك اكتىلەردى يشيم-گە تەلىپ قويۋ قالىپتى قۇبىلىسقا اينالدى. ال يشيم-مەن جالعىز كۇرەسىپ جۇرگەن قاھارمان – رەسەي. سونى جەلەۋ ەتىپ، سيرياعا دا اسكەرىن كىرگىزدى، تۇركيامەن دە كەكتەسىپ قالدى. سەنەرسىز، مۇمكىن سەنبەسسىز، بىراق رەسەي يشيم-ءدى قولداۋشىلاردىڭ قاتىرانىن ەمەس پە؟ ويتكەنى سودىرلار شايقاسىنىڭ ارتىندا «مۇناي سوعىسى» ءام پايدا تارتىسى تۇرعانى انىق قوي.

(ماريا زاحاروۆا)

جاقىندا رەسەي سىرتقى ىستەرى ءمينيسترىنىڭ وكىلى ماريا زاحاروۆا باق-قا مالىمدەمە جاسادى. ءوز سوزىندە زاحاروۆا حانىم: «تەراكتىلەرگە قاراماستان باتىس ەلدەرى بىزبەن سەرىكتەس بولعىسى كەلمەيدى»,دەپ قالدى.

ء«بىز ءاردايىم ايتىپ كەلەمىز. قازىر  تەرروريزمگە قارسى كۇرەستە بىرقاتار ەلدەرمەن جاساسقان ەكىجاقتى كەلىسىمدەر كۇشىنە ەنبەي تۇر. مىسالى، رەسەي – ناتو كەڭەسى ءدال وسى ماقساتتا بىرلەسە وتىرىپ كۇرەس جۇرگىزۋ جوسپارى بار ەدى. ءبىزدىڭ باتىستىق دوستارىمىز بۇعان قۇلىق تانىتىپ وتىرعان جوق. قازىر ەۋروپانىڭ وزىندە تەراكتىلەر ورىن الىپ جاتىر. سوعان قاراماستان باتىس ەلدەرى بىزبەن كۇش بىرىكتىرۋگە قۇلىقسىز»،-دەپتى ماريا زاحاروۆا.

ريا نوۆوستي ماتەريالىندا رەسەي ءسىم وكىلى ماريا زاحاروۆا كونترتەرروريستىك جۇمىستار جۇرگىزۋدە باتىس ەلدەرى رەسەيمەن كۇش بىرىكتىرۋگە مۇلدەم قارسى ەكەندىگىن جەتكىزگەن. ەگەر رەسەي اسكەري ءال-اۋقاتى كۇشتى بولسا، انتيتەرروريستىك كۇرەس تاكتيكاسى جوعارعى دەڭگەيدە بولسا، باتىس ەلدەرى نە ءۇشىن باس تارتىپ وتىر؟

رەسەي شىنىمەن جارىلقاۋشى ما، الدە پايدا تابۋدىڭ تىڭ ءتاسىلى مە؟

ال تۇركيانىڭ ادىلەت ءمينيسترى بەكىر بوزداق ەلدەگى تەراكتىلەردىڭ ارىتندا كىمنىڭ تۇرعانىن بىلەتىنىن، الايدا بەلگىلى سەبەپتەرگە بايلانىستى بۇل اقپاراتتىڭ جاسىرىن تۇردە قالاتىنىن ايتتى. ارينە، تۇركيا مەن رەسەي اراسىنداعى الاۋىزدىق ەندى-ەندى سۋىپ كەلە جاتقاندا ەكى مەملەكەتتىڭ ورتاسىنا وت سالۋ ويىمىزدا جوق. دەگەنمەن، اراداعى تالاس-تارتىستىڭ سوڭى تەراكتىمەن اياقتالعانىن باق جازۋدا.

ال رەسەيدىڭ اگرەسسيالىق ساياساتىنىڭ جارقىن كورىنىسى ۋكراينا مەن اراداعى جانجال بولعانى بەلگىلى. مىڭداعان ادامنىڭ ءومىرىن جالماعان جانجال ءالى اياقتالعان جوق. رەسەي اننەكتسيالاپ العان تەرريتوريالاردان وزگە، سوعىس شارالارى جالعاسىپ جاتقان دونەتسك، لۋگانسك جەرلەرىندە جارىلىستار كۇن سايىن ورىن الۋدا. بۇدان بولەك رەسەي ارمياسى سيريا جەرىنە كىرىپ، بومبالاۋ وپەراتسيالارىن جۇرگىزگەن ەدى.

كۇنى كەشە عانا اقتوبە قالاسىندا اتىس بولعاندا رەسەيلىك ساياساتكەرلەر جاعدايدى تۇراقتاندىرۋ ءۇشىن اسكەري كومەك بەرۋگە اسىعىپ وتىرعاندارىن جەتكىزدى. ءتىپتى، الماتىداعى شەتىن وقيعا كەزىندە دە رف پرەزيدەنتىنىڭ ءباسپاسوز حاتشىسى دميتري پەسكوۆ، جاعدايعا الاڭداپ وتىرعاندىقتارىن جەتكىزدى.

پوست-كەڭەستىك ەلدەردەگى شەتىن وقيعالارعا رەسەي اسكەري كومەك كورسەتۋگى قۇلشىنىپ-اق تۇرادى. حوش. سوندا رەسەيگە بۇدان كەلەتىپ پايدا قانداي؟ رەسەي شىنىمەن دە جارىلقاۋشى ما، الدە بۇل دا پايدا تابۋدىڭ تىڭ ءتاسىلى مە؟

نۇرزات توعجان

Abai.kz