مەملەكەت باسشىسى ن.ءا.نازارباەۆ ەلىمىزدەگى ورتا جانە كىشى كاسىپكەرلىكتى دامىتۋ ءۇشىن ۇكىمەت الدىنا تالاپتار قويىپ، ۇلتتىق ەكونوميكانىڭ جەتەكشى كۇشىن جانجاقتى قولداۋدى، سونىڭ ىشىندە جەرگىلىكتى كاسىپكەرلىك-باستامالاردى كوتەرمەلەۋدى، ىشكى نارىقتى دامىتۋدى تاپسىرعان بولاتىن.

بۇل رەتتە ايماقتىڭ ەكونوميكاسىنىڭ دامۋىنا ارىستىق كاسىپكەرلەر وزدەرىنىڭ قوماقتى ۇلەستەرىن قوسىپ كەلەدى.

وسى ورايدا بۇگىن ارىس قالاسىنىڭ اكىمى م.قادىربەك «بيزنەستىڭ جول كارتاسى-2020» جانە «جۇمىسپەن قامتۋ-2020» مەملەكەتتىك باعدارلامالارىنىڭ ىسكە اسۋ بارىسىمەن تانىسۋ ماقساتىندا قالامىزداعى بىرقاتار كاسىپكەرلەردىڭ ۇيلەرىندە بولىپ، كاسىپكەرلەرمەن جۇزدەستى.

كەزدەسۋ بارىسىندا كاسىپكەرلەر ءوز ىستەرى، بولاشاق جوسپارلارىمەن ءبولىسىپ، تۇيىتكىلدى ساۋالدارعا ءتيىستى جاۋاپتارىن الدى.

كاسىپكەرلىك نىسانداردىڭ تىنىس-تىرشىلىگىمەن تانىسقان شاھار باسشىسى م.قادىربەك كاسىپكەرلەردىڭ ىسكەرلىگىنە العىسىن ءبىلدىرىپ، جۇمىستارىنا ساتتىلىك تىلەدى.

سونداي-اق، «نۇر وتان» پارتياسى ارىس قالالىق فيليالىنىڭ ءماجىلىس زالىندا «نۇر وتان» پارتياسى ارىس قالالىق فيليالىنىڭ توراعاسى، ارىس قالاسىنىڭ اكىمى مۇرات بولاتۇلىنىڭ قاتىسۋىمەن قوعامدىق قابىلداۋ ءوتتى.

قوعامدىق قابىلداۋعا كەلگەن قالا تۇرعىندارى جول سالۋ، الەۋمەتتىك كومەك، جۇمىسقا ورنالاسۋ، دەنساۋلىق جاعدايىنا بايلانىستى مۇگەدەكتىككە شىعۋ ماسەلەلەرى بويىنشا ءوز ءوتىنىش-ارىزدارىن ءبىلدىردى.

شاھار باسشىسى اتالعان ماسەلەلەردى شەشۋ ءۇشىن ءبولىم باسشىلارى مەن ءتيىستى مەكەمە باسشىلارىنا ناقتى تاپسىرمالار بەرىپ، ماسەلەلەر باقىلاۋعا الىندى. بىرقاتارى وڭ شەشىمىن تاپتى. بەكىتىلگەن كەستەگە سايكەس اتالعان باعىتتاعى جۇمىستار جالعاسىن تابا بەرمەك.

Abai.kz