بۇل تۋرالى كەنتاۋ قالاسىنىڭ اكىمى ابدىباقىت ماقۇلباەۆ وقو ايماقتىق كوممۋنيكاتسيالار قىزمەتىندە وتكەن بريفينگتە حابارلادى. تاۋەلسىزدىك جىلدارىنداعى جەتىستىكتەردى بايانداعان قالا اكىمى  جالپى وڭىرلىك ءونىم 1855 ملن. تەڭگەدەن 28 447,6 ملن. تەڭگەگە جەتىپ، 16 ەسەگە وسكەنىن ايتتى.

ال ونەركاسىپ ورىندارى وتكەن جىلى 20715,7 ملن. تەڭگەنىڭ ءونىمىن وندىرسە، ءونىم كولەمى 25 جىلدا 17 ەسە ارتقان. سونىمەن قاتار، كەنتاۋ قالاسى  بويىنشا ءۇيد 2010-2019 جىلدارعا ارنالعان باعدارلاماسى شەڭبەرىندە جالپى قۇنى 4411,0 ملن. تەڭگەنى قۇرايتىن 5 جوبا جۇزەگە اسىرىلعان. ناتيجەسىندە جاڭادان 335 جۇمىس ورنى اشىلدى.

ەگەمەندىگىمىزدى العان جىلداردان كەيىن قالاداعى «شۇعىلا»، «بولاشاق»، «باتىس»، «جۇلدىز» سىندى شاعىن اۋدانداردا  73192,1 شارشى مەتردى قۇرايتىن 639 جەكە تۇرعىن ءۇي سالىندى. قازىرگى تاڭدا سول شاعىن كاۋداندارعا ينفراقۇرىلىم (جول، اۋىز سۋ، ەلەكترو جەلىلەرى، بايلانىس، كارىز جۇيەلەرى) قۇرىلىس جۇمىستارى جۇرگىزىلۋدە. بۇل جۇمىستار 2012 جىلى ەلباسى قولعا العان «مونوقالالاردى دامىتۋ» باعدارلاماسى اياسىندا جۇزەگە اسىپ وتىر.

ء«بىلىم كورسەتكىشى بويىنشا مۇنداعى مەكتەپتەر رەسپۋبليكاداعى ەڭ ۇزدىك 100 ءبىلىم ۇياسىنا كىرەدى. بالاباقشالار سانى دا ارتقان. مەرەيتويدى كەڭ كولەمدە اتاپ ءوتۋ ماقساتىندا 300-دەن استام ءىس شارالار وتەدى. بۇگىندە بۇل شارالاردىڭ ءبىر قاتارى شاعىن اۋىلداردا  اتالىپ وتىلۋدە»،- دەدى قالا باسشىسى.

جالپى كەنتاۋ قالاسى جانە قالا اۋماعىندا 2006-2016 جىلدارى 9,33 ملرد تەڭگەگە 47 نىسانعا قۇرىلىس جۇمىستارى جۇرگىزىلدى. اتاپ ايتقاندا:  ءبىر پاتەرلى 22 كوممۋنالدىق جەكە تۇرعىن ۇيلەر، 1 بەس قاباتتى 60 پاتەرلى ءۇي، 6 تيپتىك مەكتەپ، 4 بالا باقشا،  4 ينفراقۇرىلىم نىساندارى، 1 سۋ تازارتۋ ستانتسياسى، 2 بەككاري شۇڭقىرى، 4 مال توعىتاتىن ورىندار مەن 3 مالداردى قولدان ۇرىقتاندىرۋ بەكەتتەرى جانە  ت.ب. قۇرىلىستار جۇرگىزىلگەن.

Abai.kz