تاۋەلسىزدىك تويىن اقوردا عانا اتاپ وتە مە؟!.
تاۋەلسىزدىكتىڭ 25 جىلدىعىن تويلاۋ قارساڭىندا قازاقستان پرەزيدەنتىنىڭ رەزيدەنتسياسى اقوردا ماڭىنا قويىلعان ەرەكشە جازۋ قازنەتتە قىزۋ پىكىرتالاس تۋدىردى دەپ حابارلايدى Sputnik -قازاقستان.
«قازاقستان تاۋەلسىزدىگىنە 25 جىل» دەگەن جازۋ اقورداعا قاراتىلىپ جازلىعان، ال ونى بەرى جاعىنان كورەتىندەر جازۋدى تەرىسىنەن وقيدى.
«اقوردا ماڭىنداعى جازۋ تۋرالى ايتار بولسام. مەنىڭ بىلۋىمشە، جۇمىس ءالى اياقتالعان جوق. بۇكىل كونسترۋكتسيانى ورنالاستىرعانشا، جۇرتتىڭ كوزىنەن تاسا بولۋى ءۇشىن وسىلاي قويعان عوي»، — دەپ جازدى استانا اكىمىنىڭ كەڭەسشىسى قايسار جۇمابايۇلى Facebook پاراقشاسىندا.
الەۋمەتتىك جەلى قولدانۋشىلارى بۇل جازۋ تۋرالى پىكىرىن ءازىل-قالجىڭمەن ايتۋدا.
«شىداي الماي، ارىپتەردى جاساۋمەن اينالىساتىن كومپانياعا حابارلاستىم. ولار جۇمىستىڭ ءالى اياقتالماعانىن ايتتى. ياعني، جازۋدى اقوردا جاعىنان عانا ەمەس، بەر جاعىنان دا وقي الاتىن بولامىز. ارىپتەر قازىر دايىندالىپ جاتىر. ءبارى دە جامان بولا بەرمەيدى عوي»، – دەپ جازعان Facebook قولدانۋشىسى نازىمگۇل كۇمىسباەۆا ماسەلەنىڭ باسىن اشتى.
Abai.kz
