وڭتۇستىك قازاقستاندا ەل تاۋەلسىزدىگىنىڭ 25 جىلدىعى مەن اۋىل شارۋاشىلىعى ەڭبەككەرلەرىنىڭ كۇنىنە ارنالعان «التىن كۇز - 2016» سالتاناتتى شاراسى ءوتتى. اۋىل شارۋاشىلىعى سالاسىنىڭ جەتىستىكتەرى باياندالعان مەرەكەگە كەلۋشىلەردى وبلىس اكىمى جانسەيىت تۇيمەباەۆ قۇتتىقتاپ، بيىلعى جىلدىڭ ءوڭىر شارۋالارىنا بەرەكەلى بولعانىن اتاپ ءوتىپ، شارۋالارعا قۋانىشتى حابار رەتىندە كەلەر جىلعا 6 ملرد. 47 ملن. تەڭگە سۋبسيديا بولىنگەنىن جەتكىزدى.

«ەگىس كولەمى وتكەن جىلمەن سالىستىرعاندا 13 مىڭ گا ارتىپ، باقشا، كوكونىس، ماقتا، كارتوپ جانە جەمىس-جيدەك داقىلدارىنان مول ءونىم جينالدى. ءونىم كولەمىن، گەكتار تۇسىمدىلىگىن ارتتىرۋعا نەگىزىنەن شارۋاشىلىقتاردىڭ اگروتەحنولوگيالىق ءىس-شارالاردى دۇرىس جۇرگىزۋ مەن وندىرىسكە وزىق تەحنولوگيالاردى ەندىرۋگە بەت بۇرۋىنىڭ ناتيجەسىندە قول جەتكىزىپ وتىرعاندىعىمىزدى ماقتانا ايتۋىمىزعا بولادى. ونىڭ ىشىندە، تەرەڭ قوپسىتۋ تەحنولوگياسى، تامشىلاتىپ سۋعارۋ ءادىسى مەن جىلىجايلاردىڭ كولەمى بويىنشا رەسپۋبليكادا كوش باستاپ كەلەمىز»، - دەدى ايماق باسشىسى.

سونىمەن قاتار، مەرەكەلىك باسقوسۋدا، جانسەيىت قانسەيىتۇلى وبلىستا سوڭعى ءۇش جىلدىڭ وزىندە 2 مىڭ گا وندىرىستىك ينتەنسيۆتى باۋلار وتىرعىزىلعانىن ايتىپ، ونىڭ تيىمدىلىگى گەكتارىنان ماقتامەن سالىستىرعاندا 30 ەسەگە، باقشامەن سالىستىرعاندا 10 ەسەگە ارتىق ءونىم الۋعا بولاتىنىن جەتكىزدى. قارقىندى باۋلاردىڭ كولەمىن ۇلعايتۋعا كۇنگەيدە مۇمكىندىكتەردىڭ بارلىعى بار ەكەنىنە توقتالعان اكىم مال شارۋاشىلىعىندا دا قابىلدانعان ءىس-شارالار مەن «سىباعا»، «التىن اسىق»، «قۇلان» باعدارلامالارى جوعارعى دەڭگەيدە ورىندالىپ جاتقانىن باياندادى.

مۇنان سوڭ، ايماق باسشىسى ءتۇرلى اۋىل شارۋاشىلىق ونىمدەرىن وندىرۋدەن ءى ورىن العان وزات اۋدان، قالالاردى اتاپ، ارنايى ءمۇسىن مەن وبلىس اكىمىنىڭ سەرتيفيكاتتارىن تابىستادى. ماسەلەن، استىق وندىرۋدە قازىعۇرت اۋدانىنا ەشكىم تەڭ كەلمەسە، جۇگەرى وندىرۋدە وتىرار اۋدانى، ماقسارىدا تولەبي، ماقتا بويىنشا ماقتارال اۋداندارى ۇزدىك دەپ تانىلدى. ال باقشا ونىمدەرىن جيناۋ بويىنشا شاردارالىقتار كوش باستاسا، كوكونىستە سارىاعاش، جەمىس-جيدەكتە تۇلكىباس، ءسۇت ارىس قالاسى، ەت وندىرۋدە ورداباسى شارۋالارىنىڭ مەرەيى ۇستەم بولدى. «سىباعا» باعدارلاماسىنىڭ ورىندالۋى جونىنەن تۇركىستاندىقتار ەرلەپ، «التىن اسىق» باعدارلاماسى شەڭبەرىندە بايدىبەك وزىق شىقتى. ال وزىق ينۆەستيتسيالىق جوبالاردى ىسكە اسىرۋدا شىمكەنت قالاسى باسىم بولسا، اۋىل شارۋاشىلىعى سالاسىنىڭ دامۋىنا ۇلەس قوسۋدا ماقتارال، اۋىل شارۋاشىلىعى جارمەڭكەسىن ۇيىمداستىرۋدا سايرامنىڭ بەدەلى بيىك بولدى.

مۇنان بولەك، بۇل كۇنى ءتۇرلى سالالار شەڭبەرىندە ءىى جانە ءىىى ورىنداعى جانە وزگە دە ەڭبەك وزاتتارىنىڭ نوميناتسيالاردى العان 75 اۋدان، قالا اكىمدىكتەرىنىڭ وكىلدەرى مەن شارۋاشىلىق جەتەكشىلەرىنىڭ مەرەيى ۇستەم بولدى.

ايتا كەتسەك، مەملەكەت تاراپىنان تۇقىم شارۋاشىلىعىن قولداۋ، گەكتارلىق سۋبسيديا، جەڭىلدەتىلگەن جانار-جاعار ماي، تىڭايتقىشتارمەن قامتاماسىز ەتۋ، مال شارۋاشىلىعى ءونىمى مەن اسىل تۇقىمدى مال شارۋاشىلىعىن قولداۋ، قايتا وڭدەۋ كاسىپورىندارىنىڭ شيكى زاتتى ساتىپ الۋ قۇنىن تومەندەتۋ، ينۆەستيتسيالىق سۋبسيديا، كرەديت/ليزينگتىڭ پايىزدىق ۇستەم اقىلارىن سۋبسيديالاۋ باعدارلامالارىنىڭ سالانى دامىتۋعا تىكەلەي ىقپال ەتۋدە. وعان دالەل، بيىلعى جىلدىڭ وزىندە اۋىل شارۋاشىلىعى تاۋار وندىرۋشىلەرىن قولداۋعا 13 بيۋدجەتتىك باعدارلاما بويىنشا 26,0 ملرد. تڭ ءبولىنىپ، وتكەن جىلدان 24 % ارتتى.

دەگەنمەن دە جىلدان-جىلعا حالىق سانىنىڭ وسىمىنە جانە ەكونوميكالىق جاعدايدىڭ جاقسارۋىنا بايلانىستى ساپالى اۋىل شارۋاشىلىعى ونىمدەرىنە دەگەن سۇرانىستىڭ

ارتاتىنى ءسوزسىز. سوندىقتان الدىمىزدا اتالىپ وتكەندەي، وبلىستىڭ اگرارلىق سالاسىن 2017 – 2020 ج.ج. ارنالعان دامىتۋدىڭ التى باعىتى ايقىندالدى. ونىڭ ىشىندە ءبىرىنشى كەزەكتە اۋىل شارۋاشىلىعى كووپەراتيۆتەر جۇيەسىن قالىپتاستىرۋعا، سۋارمالى جەرلەردى قالپىنا كەلتىرۋ، ۇلعايتۋعا وبلىس اكىمدىگى تاراپىنان بارلىق شارالار اتقارىلاتىن بولادى.

Abai.kz